بە داخێکی زۆرەوە ئەوڕۆ ئاگادار بووین بەیان شەفیعی ڕۆڵەی هاوڕێی دێرین و خۆڕاگر مەلەکە مستەفا سوڵتانی و، ڕابەری گیانبەختکردوو، دوکتور جەعفەر شەفیعی، لە کارەساتێکی دڵتەزێندا گیانی لە دەستداوە.
ئەو هەواڵە هەموومانی تاساند، بەیان یادگاری ئینسانترین باوک و دایکێکی خۆڕاگر و خەباتکار بوو کە لە سەختترین ڕۆژەکانی خەبات لە نیو ڕیزەکانی کۆمەڵەدا باڵای کرد و هیوای بەیانیی هەموومان بوو. مەرگی لە ناکاوی بەیان، هەموو برینەکانی بنەماڵەی مستەفا سوڵتانی و شەفیعی و هۆگرانی کۆمەڵەی نوێ کردەوە. ئەو کچی کۆمەڵە و یادگاری ئازیزترین ئازیزان بوو کە بیرەوەری زۆری ڕۆژە سەختەکانی دەهێناینەوە بەرچاومان. بەیانێک کە لەسەر دەستی دادە بەهیە و لە باوەش ئاڵمانە و گۆڕستانی بڕاکانی مستەفا سوڵتانی دارەدارە و پێگرتن فێر بوو، نەدەبوو وا زوو لە ناومان بڕوا.
لە لایەن خۆمان و هەموو ڕیزەکانی کۆمەڵەوە هاوخەمی خۆمان بۆ مەلەکە مستەفا سوڵتانی و بنەماڵەی شەفیعی و مستەفا سوڵتانی دەردەبڕین و سەرخۆشی لە ئەوان و خۆمان و هەموو خەڵکی کوردستان دەکەین. دڵنیاین هەموو ڕیبوارانی ڕێگای کۆمەڵە و کاک فواد، دڵیان لیوانلێوی خەم و هەستیان پڕە لە هاوڕێیەتی و هاودەردی بۆ مەلەکەی خۆڕاگر و تێکۆشەر و ئەو خەمە بە هی خۆیان دەزانن.
بەرز و بەڕێز بێ یادی بەیان شەفیعی
کومیتەی ناوەندیی کۆمەڵەی زەحمەتکێشانی کوردستان
11 خەرمانی 1395 هەتاوی
01-09-2016
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,563 mal angesehen