- فەرهاد هەمزە، بەرپرسی دەستەی ئەندازیارانی کۆمپانیای نەوتی باکوور ئاشکرایکرد کە هەناردەی نەوتی کەرکووک لەکێڵگەکانی ژێر دەسەڵاتی کۆمپانیاکەیانەوە ڕاگیراوە، بەهۆی کێشەی هونەریەوە کە لەئێوارەی دوێنێ سێشەممە دروستبووە.
- بەڕێوەبەری پۆلیسی قەزاو ناحییەکانی کەرکووک ڕایگەیاند، بەرەبەیانی ئەمڕۆ، حەوت تەرمی نەناسراو لە گوندی حسێن ئیسلام سەربە ناحیەی لەیلانی پارێزگای کەرکووک دۆزرانەوە کە شوێنەواری ئەشکنجە و گوللە بە جەستەیانەوە دیارە.
- سێیەم حاجی کورد لە فەریزەی حەجی ئەمساڵ لەمەککە کۆچی دوایی کرد.
- مەولود چاوش ئۆغڵو، وەزیری دەروەی تورکیا داوا لەباڵوێزی ئەمریکا لەولاتەکەی دەکات "کاری خۆت وەکو پیاو بکە" و دەستتوەردان نەکەن، ئەوەش دوای ئەوەی نیگەرانییان دەربری بەرانبەر لابردنی 28 سەرۆک شارەوانی لەباکوری کوردستان.
- ستێڤان دیمیستۆرا نوێنەری نەتەوەیەکگرتوەکان بۆ کاروباری سوریا ڕایگەیاند، کە کامیۆنەکانی هەڵگری یارمەتییە نێودەوڵەتیەکان هێشتا نەگەیشتوەنەتە سوریا، چونکە دەوڵەتی تورکیا دەستی بەسەردا گرتوون.
- قوباد تاڵەبانی جێگری سەرۆک وەزیرانی حکومەتی هەرێمی کوردستان سەردانی چایخانەی شەعب-ی لەسلێمانی کردو لەنزیکەوە گوێی لەداواکارییەکانی هاووڵاتیان گرت.
- بەهۆی بۆردوومانکردنی سەنگەرەکانی هێزی پێشمەرگەی کوردستان لە لایەن چەکدارەکانی داعشەوە، ئێوارەی ئەمڕۆ پێشمەرگەیەک لە چیای باشیک شەهید بوو.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 12,848 mal angesehen
Schreiben Sie Ihren Kommentar zu diesem Artikel!