دواڕۆژ، عیسا عەبدولقەهار
بەڕێوەبەری گشتی تۆمارکردنی کۆمپانیاکان ڕادەگەیەنێت، بەهۆی بارودۆخی ئابووری و قەیرانی دارایی تۆمارکردنی کۆمپانیای خۆماڵی و بیانی لەساڵی 2016دا بەڕێژەی 60% کەمیکردووە.
دڵزار ئیسماعیل، بەڕێوەبەری گشتی تۆمارکردنی کۆمپانیاکان لە وەزارەتی پیشەسازی و بارزگانی هەرێم ئەمڕۆ شەممە 7ی کانونی دووەم بە دواڕۆژی ڕاگەیاند "تائێستا 22 هەزار و نۆزدە کۆمپانیای خۆماڵی و سێ هەزار و 168 کۆمپانیای بیانی لە کوردستان تۆمارکراون".
لەبارەی ئه و کۆمپانیانەی ئیفلاس بوون، دڵزار ئیسماعیل وتی "لەکوردستان کار بە سیستەمی ئیفلاسکردنی کۆمپانیاکان ناکرێت و کۆمپانیاکانیش خۆیان ئەگەر ئیفلاسیش بن ڕایناگەیەنن، بەڵام ئەوەی لەسەرەتای تۆماری کۆمپانیاکان تائێستا پووچەڵکراونەتەوە ژمارەیان دەگاتە 415 کۆمپانیا".
بەڕێوەبەری گشتی تۆمارکردنی کۆمپانیاکان ئاماژەی بەوەشکرد، لە ساڵی 2016دا، 933 کۆمپانیای خۆماڵی و 38 کۆمپانیای بیانی تۆمارکراون، ئه و ڕێژەیە بە بەرارورد بە ساڵی ڕابردوو 60% کەمیکردووە، ساڵی 2015 هەزار و 456 کۆمپانیای خۆماڵی و 105 کۆمپانیای بیانی تۆمارکرابوون.
وتیشی "ساڵ بە ساڵ تۆماری کۆمپانیای بیانی لە کوردستان کەمدەبێتەوە، بەڵام باشترین ساڵ بۆ تۆماری کۆمپانیاکان ساڵی 2011 بوو، کە 478 کۆمپانیای بیانی تۆمارکران".
بەوتەی ئه و بەرپرسەی وەزارەتی پیشەسازی و بازرگانی، ڕێژەی کۆمپانیای وڵات بەمشێوەیە "44% کۆمپانیای تورکی، 11% ئیرانی، 5% لوبنانی، 5.6% ئیماراتی، 4% بەریتانی و 4.1% ئەمریکین".
وتیشی "کۆمپانیا بیانییەکان لە زۆربەی سێکتەرەکان کاردەکەن، لەوانە کارکردنی نزیکەی 300 کۆمپانیایان لە بواری نەوتە لە کوردستان".
- 08-01-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,645 mal angesehen
Schreiben Sie Ihren Kommentar zu diesem Artikel!