کورێ مەسعود کتانى فەرهاد مەسعود بۆ دواڕۆژ گۆت بەرى سپێدەیا ئەڤرۆ ئێک شەمبى 8-ێ کانوونا دووێ بابێ من وەغەرا داویێ کر و ب ئامادەبوونا کەسوکار و کەسایەتى وەلاتیێن دەڤەرێ ل گۆرستانا #ئامێدی#ێ هات ڤەشارتن.
مەسعود کاتانى ل ساڵا 1933-ێ، ل قەزا ئامێدیێ ژ دایک ب بوو، خواندنا خوەیا سەرتاى ل وێ قەزایێ ب دوماهیک ئینابوو، پاشى ل چەندین دەڤەرێن دى بەردەوامى دابوو خواندنا خوە تا دکتۆرایا خوە ل وەلاتێ نەمسا ب دەستڤەئیناى.
کتانى، کلینیکەکا نوژدارى یا تایبەت ب گیا دەرمانێن کوردى ل تاخێ گەلى ل پارێزگەها #دهۆک# هەبوو، ژ هەموو وەلاتێن جیهانێ نەخوەشان سەرەدانا وى دکر و بۆ گەلەک نەخوەشیان دکتۆر مەسعود کتانى چارەسەرى هەبوون، وەک نەبوونا زاڕۆکان ل جەم ژنان، نەخوەشیێن پیستى و گەلەکێن دى.
مەسعود کتانى نە ب تنێ دبوارێ زانستێ نوژدارى دا شارەزا بوو، دگەل بوارێن دى دا شارەزاى هەبوو بتایبەتى د ئەدەبێ کوردی دا و نڤیسینا شعرێ، ئێک ژ هەڤالێن نزیکێن هوزانڤانێ مەزنێ کورد ئەحمەدێ نالبەند بوو، تا وەغەر کرى خودانێ 51 پڕتۆکێن بوارێن جودا بوو.
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 4,897 mal angesehen