دواڕۆژ، هۆگر کەمال
ئەمڕۆ چوارشەممە، عومەر گوڵپی بەڕێوەبەری بەڕێوەبەرایەتی گشتی چاودێریی و گەشەپێدانی کۆمەڵایەتی لە پارێزگای سلێمانی، لە کۆنگرەیەکی ڕۆژنامەوانیدا ئامارەکانی ساڵی 2016ی بەڕێوەبەرایەتییەکەی خستەڕوو، تێیدا وتی "لە ئێستادا لە خانەکانی ساوایان و نەوجەوانانی کوڕان و کچان و بەساڵاچووان (143) منداڵ و بەساڵاچوو خزمەت دەکرێن".
وتیشی "لە خانەی ساوایان (24) منداڵی ساوا تەمەن (1 ڕۆژی بۆ 4 ساڵ)، لە خانەی کوڕان (تەمەن 4 بۆ 18)ساڵ، 49 منداڵ کە 35 یان لە دەرەوەی خانە و (14) منداڵیان لە ناو خانە خزمەت دەکرێن، لە خانەی کچان ژمارەی منداڵان بریتیە لە 28 منداڵ، لەوانە (15) منداڵیان دەرەوەی خانەن و ناوخانە (13) منداڵ، هەروەها لە خانەی بەساڵاچووان (بۆ پیاوان تەمەن لە 60 ساڵ بەرەو سەرو بۆ ئافرەت 55 ساڵ بەرەو سەر) لە ئێستادا (38) بەساڵاچوو سودمەندن، (36) پیاو و (7) ئافرەت، کە (18) لەو بەساڵاچووانە لە یەکەی پەککەوتەن و هەموو خزمەتێک دەکرێن و پێداویستی و ژیانی ڕۆژانەیان بۆ دابیندەکرێت".
ئاماژەی بەوەشدا "لە ساڵی ڕابردوودا، (178) ئافرەت ڕوویان لە شەڵتەری خانەی داڵدەدانی ئافرەتانی هەڕەشەلێکراو کردووە و داڵدەدراون، لەوانە (152) ئافرەتیان کێشەکانیان چارەسەرکراوە و گەڕاونەتەوە ناو ژیانی ئاسایی و 26 ئافرەتیشیان لە ئێستادا لە شەڵتەر دەپارێزرێن، هەر لە شەڵتەری داڵدەدانی ئافرەتانی هەڕەشەلێکراو (56) منداڵ خزمەتکراون کە لەگەڵ دایکیاندا هاتوونەتە شەڵتەر، لەوانە (52) منداڵیان شەڵتەریان لەگەڵ دایکیاندا بەجێهێشتووە و تەنها (4) منداڵ لە ئێستەدا لە شەڵتەر دەژین".
عومەر گوڵپی، باسی لەوەشکرد "لە پڕۆژەیەکدا کە ناوی (پڕۆژەی پاراستنی منداڵ) و بۆ منداڵانی ئاوارە و ناوخۆ بە هاوکاری ڕێکخراوی یونیسێف و لەڕێگەی تیمی تایبەت و پسپۆڕەوە لە ناو شاری سلێمانی و قەزاکانی دەربەندیخان و چەمچەماڵ بەڕێوە دەچێت، 14 هەزار و 988 منداڵ پاڵپشتی دەروونیی و کۆمەڵایەتیی و پەروەردەیی و یاسایی و دارایی کراون، لەوانە حەوت هەزار و 391 کوڕ و حەوت هەزار و 597 کچ و بوون".
رونیشیکردەوە "هەر لەو پڕۆژەیەدا مامەڵە لەگەڵ 632 کەیسدا کراوە کە گرفتی جۆراوجۆریان هەبووە، هەروەها هۆشیاری پەروەردەیی و خێزانی و یاسایی لەبارەی منداڵ و مافەکانیانەوە پێشکەش بە (296) پیاو و ئافرەت دراوە، لەوانە (194)پیاو و (102) ژن بوون".
ئەوەشی خستەڕوو "لە بواری چالاکی هونەری و وەرزشی منداڵاندا، لە سەنتەرەکانی سلێمانی، دەربەندیخان، پیرەمەگرون، ڕانیە، قەڵادزێ، چەمچەماڵ، (136) منداڵ سودمەندبوون، جگەلەوەش هێڵی گەرمی فریاکەوتنی منداڵان (هێڵی 116ی منداڵان)، لە ماوەی ساڵی ڕابردوودا، چوار هەزار و 505 پەیوەندی وەرگیراوە، لەو ژمارەیە کۆی گشتی کێشەکان (496) کێشەبوون، لەوانەش 100 کێشەیان ئاڕاستەی لایەنی تری پەیوەندیدار کراون، لەو ژمارەیە (175) منداڵیان منداڵی ئاوارە بوون".
- 11-01-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,363 mal angesehen
Schreiben Sie Ihren Kommentar zu diesem Artikel!