دواڕۆژ، ئاوارە حەمید
بەڕێوەبەری گشتی تەندروستی هەولێر ڕایگەیاند، لە ساڵی 2016دا سێ ملیۆن و 996 هەزار و 54 کەس سەردانی نەخۆشخانە حکومیەکانی هەولێریان کردوە.
ئەمڕۆ سێشەممە 17ی کانونی دووەمی 2017 لەژێر دروشمی (پایتەخت مێژووی مرۆڤایەتی و خزمەتگوزاری لەشەڕی جیهانی تیرۆردا) کۆنفرانسی شیکردنەوەی ساڵانەی خزمەتگوزاری تەندروستی بۆ ساڵی 2016 ئەنجامدا و تیایدا ئاماری کار و چالاکیەکان و خەرجیەکان بۆ ساڵی 2016 خرانەڕوو.
سامان بەرزنجی، بەڕێوەبەری گشتی تەندروستی هەولێر ڕایگەیاند، داهاتی بەڕێوەبەرایەتی گشتی تەندروستی هەولێر 8 ملیار و 48 ملیۆن و 875 هەزار و 750 دینار بووە لەکاتێکدا خەرجیەکان بۆ ساڵی 2016، 138 ملیار و 128 ملیۆن و 220 هەزار و 900 دینار بووە.
سەبارەت بە هاتنی ئاوارەکانی ئۆپەراسیۆنی موسڵ و بریندارانی مەدەنی سامان بەرزنجی ڕونیکردەوە، لەئێستادا نەخۆشخانەکانی هەولێر بەهۆی زۆری نەخۆشی ئاوارە و بریندارانی سوپای عێراق لە ژێر گوشارێکی زۆردان و کەمی دەرمان و پێداویستی پزیشکی کێشەی بۆ دروستکردوون و داواشی لە وەزارەتی تەندروستی عێراق و ڕێکخراوە نێودەوڵەتیەکان کرد هاوکاریان بن بۆ تێپەڕاندنی ئەو قەیرانە.
بەپێی ئه و ئامارانەی لە کۆنفرانسەکەدا خرانەڕوو، لە نەخۆشخانەکانە حکومیەکانی هەولێر لە ساڵی 2016دا هەشتا و هەشت هەزار و 974 نەشتەرگەری ئەنجامدراوە لەکاتێکدا لە ساڵی 2015 حەفتا و دوو هەزار و 661 نەشتەرگەری بووە.
هەروەک لە ساڵی 2015 چوار ملیۆن و 231 هەزار و 425 کەس سەردانی نەخۆشخانەکانی سنوری پارێزگای هەولێری کردوە، بەڵام لە ساڵی 2016 ڕێژەکە کەم بۆتەوە بۆ سێ ملیۆن و 996 هەزار و 54 کەس.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,517 mal angesehen
Schreiben Sie Ihren Kommentar zu diesem Artikel!