دواڕۆژ، ئارام سەعید
بەپێی ئامارێکی #وەزارەتی کار و کاروباری کۆمەڵایەتی# ژمارەی ئەو کرێکارە بیانییانەی کە لەساڵی ڕابردوو داوای ڤیزەی کارکردنیان لەهەرێمی کوردستان کردوە 4 هەزار و 815 کریکار بوون و لە 33 وڵاتی جیاوازەوە هاتوون.
هەمزە مەغدید، بەڕێوەبەری ڕاگەیاندنی وەزارەتی کار و کاروباری کۆمەڵایەتی بەدواڕۆژی ڕاگەیاند ژمارەی کۆمپانیا تۆمارکراوەکانی هێنانی کرێکاری بیانی 165 کۆمپانیایە، لەو ژمارەیە نزیکەی 50 کۆمپانیایان کاران و بەبەردەوامی کاری هێنانی کرێکاری بیانی بۆ کوردستان ئەنجامدەدەن، لەساڵی ڕابردووش لە 33 وڵاتی جیاوازەوە کرێکاریان بۆ کوردستان هێناوە.
وتیشی لە ساڵی ڕابردوو 4 هەزار و 815 کرێکاری بیانی داوای ڤیزەیان کردوە، بەڵام تەنیا 4 هەزار و 589 کەسیان ڤیزەیان وەرگرتووە، بەڵام هەزار و 356 کرێکار کە ڤیزەیان وەرگرتووە نەهاتوون و هەروەها 22 کەسیان ڤیزەیان ڕەتکراوەتەوە.
سەبارەت بەئاستی کرێکاری ناو ماڵ و پڕۆژەکان، بەڕێوەبەری ڕاگەیاندنی وەزارەتی کار باس لەوەدەکات، زۆرینەی کرێکارانی بیانی کرێکاری ماڵان و دەڵێت لەو ژمارەیە 3 هەزار و 200 کرێکاری ماڵان و هەزار و 389 کرێکاری پڕۆژەن، بەڵام کرێکارانی هاتوو بۆ هەرێمی کوردستان لەساڵی ڕابردوو لە 33 وڵاتی جیاواز هاتوون کە زۆرینەیان خەڵکی وڵاتانی فلیپین و ئەندەنوسیا و هیندی و جۆرجیا و پاکستانین.
24-02-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,143 mal angesehen