دواڕۆژ، کۆچەر عەلی
بەندکراوانی بەندیخانەی چاکسازی گەورانی هەولێر ڕوویان لە خوێندنەوەی کتێب کردووەو بەڕێوەبەری بەندیخانەکەش ئاماژە بەوەدەکات، لەماوەی دوو مانگی ڕابردوو لەلایەن بەندکراوانەوە هەزارو 500 کتێب خوێندراوەتەوە.
دیدار عومەر، بەڕێوەبەری بەندیخانەی چاکسازی گەورانی هەولێر بە دواڕۆژی ڕاگەیاند بەهۆی زۆر ئارەزوو کردنی خوێندنەوەی کتێب سەرەتایی ئەمساڵ لەناو چاکسازی گەورانی هەولێر کتێبخانەیەکی تایبەتیان بۆ بەندکراوەکان کردۆتەوەو ژمارەیەک کتێبی سیاسی، کۆمەڵایەتی، ئەدەبی و مێژووی و پەروەردەیی و فەلسەفی و دەیان ناونیشانی تر لەکتێبخانەکە داندراون بۆ ئەو بەندکراوانەی کە ئارەزووی خوێندنەوەی کتێب دەکەن.
وتیشی لەماوەی دوو مانگی ئەمساڵ زیاتر لە دوو هەزارو 500 کتێب لەلایەن سزادراوانەوە خوێندراونەتەوەو بەردەوامیش خوێنەری کتێب لە زیاد بووندایە.
دیدار عومەر، ئەوەشی خستەڕوو لە شەش مانگی ڕابردوودا چوار سزادراو توانیویانە چوار کتێب لە بوارەکانی هونەرو فیکری و ئایینی و پەروەردەیی بنووسن و لەئێستاشدا دوو کتێبی تر لەژێر چاپ دایەو سەرجەمی ئەم کتێبانەش لەسەر ئەرکی بەڕێوەبەرایەتی چاکسازی گەورانی هەولێر چاپ دەکرێت.
ناوبراو ئاشکراشیکرد ساڵانە ژمارەیەک خوێندکار لە بەندیخانەکەیان لە زانکۆ و پەیمانگاکان دەخوێنن و ساڵی ڕابردووش 14 خوێندکار زانکۆ و پەیمانگایان تەواو کردووە.
10-03-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,978 mal angesehen
Schreiben Sie Ihren Kommentar zu diesem Artikel!