دواڕۆژ، ڕەڤەند گوهەرزی
بەرێوەبەرایەتی هاتووچۆی پارێزگای دهۆک ئاماری ڕووداوەکانی هاتووچۆ لەرۆژانی جەژنی نەورۆز بڵاودەکاتەوه و ڕایدەگەیەنێت به و هۆیەوە پێنج کەس گیانیان لەدەستداوە.
رائید ئازاد تەها بەرپرسی ڕاگەیاندنی هاتووچۆی پارێزگای دهۆک بە دواڕۆژی ڕاگەیاند لەسێ ڕۆژی جەژنی نەورۆز لە سنووری پارێزگای دهۆک هەشت ڕووداوی هاتووچۆ لە جۆری وەرگەڕان و پێکدادان ڕوویانداوە.
وتیشی لەرۆژی دووەمی جەژن 22ی ئازار ڕووداوێکی وەرگەڕان لە سەر چیای کوخێ لە ناحیەی ئەترۆش سەر بە قەزای شێخان ڕوویداو بەهۆیەوە سێ ئەندامی خێزانێک گیانیان لەدەستدا.
ئازادا تەها ئاماژەی بەوەشکرد لەسەر شەقامی سەرەکی لەناحیەی باتیفای سەر بە قەزای زاخۆ لە ئەنجامی ڕووداوێکی هاتووچۆ کەسێک گیانی لەدەستدا.
راشیگەیاند لەهەر سێ ڕۆژی جەژنی نەورۆز لەسنووری پارێزگای دهۆک هەشت ڕووداوی هاتووچۆ ڕوویانداوەو بەوهۆیەوە پێنج کەس گیانی لەدەستدا و 14 کەسی تیریش برینداربوون.
24-03-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,294 mal angesehen
Schreiben Sie Ihren Kommentar zu diesem Artikel!