دواڕۆژ، نوسینگەی هەولێر
وەزارەتی شارەوانی و گەشتوگوزار ئاشکرایدەکات، لە ساڵانی ڕابردوو لە بەرامبەر فڕێدانی زبڵ و خاشاک لە پارێزگاکانی هەرێم و ئیدارەی گەرمیان حکومەتی هەرێم مانگانە نزیکەی 6 ملیار دینار خەرجی هەبووە، بەڵام بەهۆی وەرگرتنی پارەی زبڵ و خاشاکەوە ئه و خەرجییە بە ڕێژەی 75% کەمدەبێتەوە.
عەبدولحەمید مەجید، بەڕێوەبەری پلاندانان لە وەزارەتی شارەوانی و گەشتوگوزار بە دواڕۆژی ڕاگەیاند ڕۆژانە لەهەولێر 2 هەزارو 400 تۆن و لە سلێمانی هەزارو 2000 تۆن و لە پارێزگای دهۆکیش نزیکەی 1000 تۆن زبڵ و خاشاک فڕێدەدرێت، له ساڵانی ڕابردوو لەبەرامبەر فڕێدانی زبڵ و خاشاک لە پارێزگاکانی هەرێم و ئیدارەی گەرمیان حکومەت مانگانە لەسەرووی 6 ملیارو 940 ملیۆن دیناری دەدا بە کۆمپانیاکان.
عەبدولحەمید مەجید، ئەوەشی خستەڕوو دوای وەرگرتنی پارەی فڕێدانی زبڵ و خاشاک لە ماڵان بە بڕی 3 بۆ 5 هەزار دینار پێشبینیدەکرێت ئه و خەرجیانە بەرێژەی لە 75% کەمبێتەوە.
عەبدولحەمید، ئەوەشی خستەڕوو، لە پارێزگای دهۆک لەگەڵ کۆمپانیایەکی تورکی بۆ لێک جیاکردنەوەی خاشاک گرێبەستێکیان بۆ ماوەی 10 ساڵ واژوو کردووە ئەم کۆمپانیایە ڕۆژانە لە شاری دهۆک و قەزای ئاکرێ نزیکەی 630 تۆن خاشاک لە ئۆتۆمبێڵەکانی شارەوانی وەردەگرن و دوای جیا کردنەوەی پێکهاتەی زبڵ و خاشاکەکان نایلۆن و کارتۆنەکان هەناردەی تورکیا دەکات.
ناوبراو، وتیشی بۆ فڕێدانی زبڵ و خاشاک دەبێت حکومەت خۆی کارەکە ئەنجام بدات و کارگەی لێک جیا کردنەوەی پێکهاتەکانی زبڵ و خاشاک دابمەزرێنێت لە ڕێگەی ئەم کارگانەوە دەتوانێ مانگانە بڕێک لە داهات لە ڕێگای فڕێدانی زبڵ و خاشاکەوە بە دەستبێنێتەوە.
04-04-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 6,761 mal angesehen
Schreiben Sie Ihren Kommentar zu diesem Artikel!