دواڕۆژ، عیسا عەبدولقەهار
بەرپرسێکی پارێزگای هەولێر ڕایدەگەیەنێت، حکومەتی هەرێم بڕیاریداوە مانگانە سێ ملیۆن دۆلار بۆ ئەو پرۆژانە خەرج بکرێت و بەردەوامن لە کارکردن و پارەیەکی کەمیان پێویستە بۆئەوەی تەواو بکرێن.
هەمزە حامد، بەڕێوەبەری ڕاگەیاندنی پارێزگای هەولێر بە دواڕۆژی ڕاگەیاند، حکومەتی هەرێم ڕەزامەندی لەسەر خەرجکردنی بڕی سێ ملیۆن دۆلار داوە و پارەکە بۆ ئەو پرۆژە خزمەتگوزاریانەی هەولێر دەبێت کە تائێستا بەردەوامن لەکارکردن.
بەڕێوەبەری ڕاگەیاندنی پارێزگای هەولێر، ڕوونیکردەوە ئەو پارەیە مانگانە خەرجدەکرێت و سەرجەم پرۆژەکان دەگرێتەوە و بەتایبەتی ئەوانەی کە پارەیەکی کەمیان پێویستە بۆ ئەوەی تەواو بکرێن و ڕادەستی وەزارەتەکان بکرێنەوە.
ناوبراو ئاماژەی بەوەشکرد، بەشێکی تری پرۆژەکانی پارێزگای هەولێر لەرێگەی تەرخانکردنی 20% بودجەی داهاتی شارەوانییەکان تەواو دەکرێن.
پێشتر نەوزاد هادی پارێزگاری هەولێر بە دواڕۆژی ڕاگەیاندبوو، لە دوای قەیرانی داراییەوە لە ساڵی 2014، هەزارو 700 پڕۆژەی خزمەتگوزاری لە هەولێر وەستاون.
04-05-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,401 mal angesehen