- ئەمڕۆ کاتژمێر 10:30 خولەک فرۆکە جەنگییەکانی دەوڵەتی تورک دەشتی #کافێ#-ی سەر بە هەرێمی #گارە#ی هەرێمەکانی پاراستنی مەدیا-یان بۆردوومان کرد.
- هێزەکانی پۆلیسی تورک هەڵیانکوتایە سەرماڵی هاوڵاتیان لە #دێرسیم# و 10 کەسیان دەستگیرکرد، کە #پێرێ چەتینکایا#، هاوسەرۆکی شارەوانی دێڕسیمیش لەناویاندا بوو.
- لە شارەدێی #کەڵەکچی#، بەهۆی تەقینەوەی بوتڵێکی ئۆکسجینەوە لە بینایەیەکی نیوە دروستکراودا کرێکارێکی گەنج گیانی لەدەستدا و دوو کەسی دیکەش برینداربوون.
- لە شاری #هەولێر# لە شەقامی شۆڕش ئاگر لە کۆگایەکی بازرگانی کەوتەوە و پاشان ئاگرەکە پەرەی سەند و سێ کۆگای دیکەش گڕیان گرت.[1]
- پۆلیسی هەولێر ڕایدەگەیەنێت، ئێوارەی ئەمڕۆ لە بازاڕی سورچیانی شاری هەولێر گەنجێک بە فیشەک برایەکی خۆی و هاوڕێی براکەی کوشتووە و دواتریش ڕایکردووە.[2]
- #بەختیار میعماری#، زیندانی سیاسی کورد کە پێشتر لەلایەن دادگای شۆڕشی ڕژێمی ئێرانەوە بە سێدارە سزادرابوو لە زیندان ئازادکرا.
- هەندێک لە کوردەکانی ئەمریکا ناڕەزاییان بەرامبەر سەردانی ئەردۆگان بۆ واشەنگتۆن دەربڕی و لە ئەنجامدا پاسەوانەکانی ئەردۆگان هێرشی کردە سەر خۆپیشاندەران و چەند کەسێکیان بریندارکرد.
- ڕۆژنامەوانی بەناوبانگی جیهانی کاترین فلیپ لە ذ تایمس نوسویەتی، لە لەندەن لە دوای کۆبونەوەیەکیدا لەگەڵ وەزیری بەرگری ئەمەریکا، ێلدرم سەرۆک وەزیرانی تورکیا بە ئێمەی گوت: شەرڤانانی کورد مرۆڤ نین.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 14,968 mal angesehen
Schreiben Sie Ihren Kommentar zu diesem Artikel!