رووداو - هەولێر
#حکومەتی هەرێمی کوردستان# یەکەم بڕە پارەی بۆ ئەنجامدانی گشتپرسی خستە سەر هەژماری بانکی #کۆمسیۆنی هەڵبژاردن# و ڕاپرسی لە هەرێمی کوردستان و بڕی پارەکەش شەش ملیۆن دۆلارە.
هەندرێن محەممەد، سەرۆکی ئەنجوومەنی کۆمیسیارانی کۆمیسیۆنی باڵای سەربەخۆی هەڵبژاردن و ڕاپرسی لە هەرێمی کوردستان بە (تۆڕی میدیایی ڕووداو)ی ڕاگەیاند، وەزارەتی دارایی وەک قۆناخی یەکەم بڕی 6 ملیۆن دۆلاری وەک سولفە بۆ ئامادەکاریکردن بۆ ئەنجامدانی گشتپرسی داوەتە کۆمیسیۆن.
وەک هەندرێن محەممەد باسیکرد، بۆ ئەنجامدانی گشتپرسی و هەردوو هەڵبژاردنی پەرلەمان و سەرۆکایەتیی هەرێمی کوردستان داوای 37 ملیار دیناریان لە حکومەت کردووە، 20 ملیار دینار بۆ گشتپرسی و 13 ملیار دینارەکەی دیکەش بۆ هەردوو هەڵبژاردنەکە، بەڵام تاوەکو ئێستا ڕەزامەندی لەسەر پێدانی هەموو پارەکە نەدراوە، تەنها بۆ ئامادەکاری گشتپرسی وەک سولفە 6 ملیۆن دۆلار دراوەتە کۆمسیۆن.
رۆژی 07-06-2017 لە شارۆچکەی پیرمام 15 حیزب و لایەنی سیاسیی باشووری کوردستان بەسەرپەرشتی مەسعود بارزانی، سەرۆکی هەرێمی کوردستان کۆبوونەوە و، بڕیاریاندا ڕۆژی 25ی ئەیلوولی داهاتوو گشتپرسی لە هەرێمی کوردستان و ناوچە ئیدارییەکانی دەرەوەی هەرێمی کوردستان بکرێت.
12-06-2017
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,481 mal angesehen
Schreiben Sie Ihren Kommentar zu diesem Artikel!