قایمقامی شارۆچکەی #شنگال#، ئاماژە بۆ ئەوە دەکات کە 400 ژن و منداڵی کوردی ئێزدی، بۆ ڕەوانەکردنیان بەرەو وڵاتی ڕۆمانیا ئامادە دەکرێن، بە مەبەستی وەرگرتنی چارەسەر پزیشکی.
مەحما خەلیل، قایمقامی شارۆچکەی شنگال، بە (باسنیوز)ی ڕاگەیاند: گرێبەستێک لەگەڵ حکوومەتی ڕۆمانیا مۆرکراوە، بۆ چارەسەرکردنی ژن و منداڵی کوردانی ئێزدیی لەدەست داعش ڕزگاربوو، ئێستا نزیکەی 400 ژن و منداڵ ئامادەکراون و لە کاتێکی نزیک، بە هاوکاری حکوومەتی هەرێمی کوردستان، ئەو کەسانە ڕەوانە دەکرێن، دوای وەرگرتنی چارەسەر، ئەو منداڵ و ژنانە دەگەڕێنەوە زێدی خۆیان، ئەوانەش هەمووی لە ڕێگەی نووسینگەی ڕزگارکراوانی ئێزدی ئامادە کراون.
قایمقامی شارۆچکەی شنگال، ئەوەشی خستەڕوو: دوو گرێبەست شەش مانگ بۆ ساڵێک، لەگەڵ وڵاتی ڕۆمانیا مۆر کراوە، تایبەتە بە چارەسەرکردنی ئەو ژن و کچانەی کوردانی ئێزدی کە لە دەستی تیرۆریستانی داعش ڕزگار کراون.
17-06-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 8,240 mal angesehen