#وەزارەتی نەوتی عێراق# بڕی داهات و هەناردەی نەوتی بۆ مانگی ئایاری ڕابردوو بڵاوکردەوە و ئاشکرایکرد بەپێی ئامارەکانی کۆمپانیای بەبازاڕکردنی نەوتی عێراق (سۆمۆ) لە مانگی ڕابردوودا 101 ملیۆن و 100 هەزار بەرمیل نەوت هەناردەکراوە و داهاتەکەی چوار ملیار و 623 ملیۆن دۆلار بووە.
عاسم جیهاد، وتەبێژی وەزارەتی نەوتی عێراق لە بەیاننامەیەکدا ڕایگەیاند، لە مانگی ئایاری ڕابردوو لە کێڵگەکانی ناوەڕاست و باشوری عێراق 100 ملیۆن و 400 هەزار بەرمیل نەوت هەناردەکراوە و داهاتەکەشی چوار ملیار و 591 ملیۆن دۆلار بووە.
بەپێی بەیاننامەکە هەناردەی نەوتی #کەرکووک#یش لە مانگی ڕابردوودا 700 هەزار بەرمیل بوە و داهاتەکەشی 32 ملیۆن دۆلار بووە.
بە وتەی جیهاد بەرمیلێک نەوت بە 47 دۆلار و 727 سەنت فرۆشراوە.
وتەبێژەکەی وەزارەتی نەوت ئاماژەی بۆ ئەوەشکردوە، ئه و نەوتەی هەناردەکراوە لە لایەن 35 کۆمپانیای نێودەوڵەتی، لە بەندەرەکانی بەسرە و خۆر عەمیە و عەمبارەکانی نەوتی ناو دەریای کەنداو و بەندەری جەیهان لە تورکیا بارکراوە.
رووداو
23-06-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,506 mal angesehen