دهەیڤا رەمەزانێدا رێڤەبەریا پشکا چاڤدێری و سەلامەتیا خوراکی ل پارێزگەها #دهۆک#ێ 36 جهێن گشتی ژبەر نەپێگیریا وان ب رێنمایێن ساخلەمیێ بگۆژمێ نزیکی چوار ملیون دیناران سزاداینە.
عیسمەت سەلمان وەیسی، رێڤەبەرێ پشکا چاڤدێری و سەلامەتیا خوراکی ل پارێزگەها دهۆکێ بۆ دواڕۆژ راگەهاند پشتی ئەم هۆشداریێ دەینە هەر جهەکێ سێ رۆژا پشتی سەرەدانا تیمێن مە ئەگەر پێگیری ب رێنمایان کربیت دێ بەردەوام بیت ل سەر کارێ خۆ ئەگەر نە دێ هێتە سزادان ب گۆمەکێ پارەی یان ئەو جهە دێ هێتە گرتن.
رێڤەبەرێ پشکا چاڤدێری و سەلامەتیا خوراکی ل پارێزگەها دهۆکێ دیارکر ل دەستپێکا هەیڤا رەمەزانێ هەتا ئەڤرۆ 22ێ حوزەیرانێ دوو هەزار و 640 کیلویێن مادیێن دەمێ وان ب سەرڤە چووی دەست ب سەردا هاتینە گرتن و ژناڤبرن.
گۆت ژی مە ماف یێ هەی ل دور سەرپێچیان هەتا 500 پێنج سەد هەزار دینارا خودانێ وی جهێ نەپێگر سزا بدەین و ل هەیڤا رەمەزانی 36 جه نزیکێ چوار ملیون دینارا هاتینە سزادان.
راگەهاند ژی: ئەم شیایین دهەیڤا رەمەزانێدا 11 جهێن گشتی ژبەر نەپێگیریێ ب رێنمایێن ساخلەمیێ بگرین و 36 جهێن گشتی سزا بدەین و هۆشداریێ بدەینە 194 جهان و 2640 کیلویێن ماددێن دەم ب سەرڤەچووی ژناف ببەین.
دوارۆژ
23-06-2017
Dieser Artikel wurde in (کرمانجی) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 3,964 mal angesehen
Schreiben Sie Ihren Kommentar zu diesem Artikel!