بەڕێوەبەری ئاماری سلێمانی ئاشکرای دەکات، لە دوای قەیرانی دارایی ڕێژەی بێکاری لە کوردستان ڕووی لە زیادبوون کردوە و لە ئێستادا ڕێژەی 14% دانیشتوانی کوردستان بێکارن لە کاتێکدا لە ساڵی 2014 ڕێژەی بێکاری 6.6% بووە.
مەحمود عوسمان، بەڕێوەبەری ئاماری سلێمانی، لە چوارچێوەی بەشداریکردنی لە بەرنامەی (ژێرخان)ی ڕادیۆی دواڕۆژدا ڕایگەیاند لە ماوەی سێ ساڵی ڕابردوودا ئاستی بێکاری لە کوردستان بەڕێژەیەکی بەرچاو بەرزبووەتەوە و گەیشتووەتە 14% لە کاتێکدا ساڵی 2014 ئاستی بێکاری 6.6% بووە.
وتیشی پلانێکی ستراتیژی چوار ساڵە بۆ چارەسەرکردنی بێکاری لە عێراق و هەرێمی کوردستان داڕێژراوە، کە شەش تەوەر لە خۆدەگرێت و بریتین لە ئه و کەسانەی کە کاردەکەن و داهاتیان کەمە داهاتەکەیان بەرزبکرێتەوە، بەرزکردنەوەی ئاستی ڕۆشنبیری و تەندروستی هاوڵاتیان و باشکردنی شوێنی نیشتەجێبوون و باشکردنی گوزەرانی بەشداربوانی تۆڕی کۆمەڵاتی و باشکردنی بەشەخۆرانی هەژاران.
بەڕێوەبەری ئاماری سلێمانی ڕاشیگەیاندماوەی زیاتر لە ساڵێکە کار لەسەر ئه و پلانە دەکەین لەگەڵ لایەن پەیوەندارەکان و بانکی نێودەوڵەتی گفتوگۆ دەکەین، لە ماوەی دوو مانگی داهاتووشدا لە وەزارەتی پلاندان بەرزدەکرێتەوە بۆ سەرۆکایەتی ئەنجومەنی وەزیران و دوای ڕەزامەندی ئەنجومەنیش بەرزدەکرێتەوە بۆ پەرلەمان.
25-06-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,058 mal angesehen
Schreiben Sie Ihren Kommentar zu diesem Artikel!