فیلمێکی سینەمایی کوردییە بەناوی بێدەنگی ئاسمان یەکشەممە #25-06-2017# لە فێستیڤاڵی سینەمایی ڕیڤەری نێودەوڵەتی لە ئیتاڵیا نمایش دەکرێ، پێشتریش ئەو فیلمە کوردییە لە 25 فێستیڤاڵی تری سینەمایی لە وڵاتە جیاجیاکانی دنیا نمایش کراوە.
#پشتیوان عەبدوڵڵا# سیناریستی فیلمەکەیە
دەرهێنەری فیلمەکە #جوبرائیل ئەبوبەکر# ناسراو بە تۆفانە و سیناریستی پشتیوان عەبدوڵڵایە و کرۆکی فیلمەکەش باس لە سەربەخۆیی و خەونی مرۆڤ بۆ گەیشتن بە ئازادی و سەرفرازی دەکات.
تۆفان دەرهێنەری فیلمەکە دەڵێت: ماوەی فیلمەکە 100 چرکەیە و دژایەتی گرووپی تیرۆریستی داعش دەکات و دووپات لەوە دەکاتەوە کە هیچ کەس ناتوانێ ڕێگە لە ئازادی مرۆڤ بگرێ.
بێدەنگی ئاسمان لە سێ مانگی ڕابڕدوو لە 25 فێستیڤاڵی سینەمایی لە وڵاتانی دنیا پێشان دراوە، خەڵاتی باشترین فیلمی سینەمایی لە کەنەدا و ڕووسیا وەرگرتووە و لە فێستیڤاڵی بابلی #عێراق#یش خەڵاتی باشترین سیناریۆی پێ دراوە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 7,166 mal angesehen