خەندان-
لەماوەی ساڵی ڕابردوودا، 34 ملیۆن لیتر گازوایل بەتانکەر لەکۆماری ئیسلامی ئێرانەوە، هەناردەی هەرێمی کوردستان کراوە.
بەپێی ئاژانسی میهری ئێرانی، فەرەیدوون یاسمی بەڕێوەبەری کۆمپانیای نەتەوەیی دابەشکردنی بەرهەمە نەوتییەکانی پارێزگای کوردستان (#سنە#) ڕایگەیاندووە لەماوەی ساڵی ڕابردوودا لەشاری سنەوە 34 ملیۆن لیتر گازوایل بەتانکەر بۆ هەرێمی کوردستان نێردراوە.
وتیشی داهاتی فرۆشتنی ئەم بەرهەمە لە نێوان 17 هەزار و 431 بنەماڵەی گوندنشینی ناوچە سنوورییەکانی کوردستاندا دابەشبووە.
یاسمی ئاماژەی بەوەشکرد، کۆمپانیای نەتەوەیی دابەشکردنی بەرهەمە نەوتییەکان لەپێنج ناوچەی پارێزگای کوردستان، چەندین پلانی بۆ بەرەنگاریی قاچاخی سوتەمەنی لە سنوورەکان جێبەجێ کردووە و بەردەوام دەبێت لە پەرەدان بەو پلانانە لە سنوورەکان و بازارچە سنوورییەکاندا.
کۆماری ئیسلامی ئێران خاوەنی چەند خاڵێکی سنوری فەرمییە لەگەڵ هەرێمی کوردستان، کە ڕۆژانە جموجۆڵی بازرگانی فراوان بەخۆیانەوە دەبینن.
05-07-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,101 mal angesehen