نەتەوە یەکگرتووەکان ڕایگەیاند، نزیکەی 20 هەزار کەسی سڤیل بەهۆی شەڕی نێوان هێزە عێراقییەکان و #داعش# لە #موسڵ#ی کۆن گیریان خواردووە.
ئەمڕۆ پێنجشەممە، لیزا گراندی، ڕیکخەری کاروباری مرۆیی نەتەوە یەکگرتووەکان لە عێراق ڕایگەیاند، لەکاتێکدا داعش لە دوا خاڵ لە موسڵی کۆن گەمارۆدراون، لە 15 هەزار تاوەکو 20 هەزار کەسی سڤیل گیریان خواردووە.
لیزا گراندی ڕاشیگەیاندووە، دۆخی خەڵک لە موسڵی کۆن دژوارە. دەشڵێت: ئەم خەڵکە لەژێر بۆمباران و تۆپبارانێکی مەترسیدارن، داعش تاوەکو ئێستا لە موسڵ خەڵکی سڤیل دەکەنە ئامانج.
زیاتر لە هەفتەیەکە چەکدارانی داعش لە چەند کیلۆمەترێک چوارگۆشەدا لە موسڵی کۆن گەمارۆدراون و خۆیان بەدەستەوە نادەن.
بەگوتەی فەرماندە سەربازییەکانی عێراق ژمارەی چەکدارانی داعش لە موسڵ نزیکە لە 100 چەکدار، بەڵام چەند سەرچاوەیەکی دیکە باس لە بوونی نزیکەی 300 چەکداری داعش لەو ناوچە کەمە دەکەن کە لە موسڵی کۆن بەدەستیانەوە ماوە.
06-07-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 13,806 mal angesehen
Schreiben Sie Ihren Kommentar zu diesem Artikel!