چەند وێنەکێشێکی کورد، گرووپ و پەیجیان لەنێو تۆڕی کۆمەڵایەتیی (فەیسبووک) بە ناوی (Macos Art) دروست کردووە، کۆرسێکی ئۆنڵاین و بێبەرانبەری فێربوونی وێنەکێشانیان بۆ هاووڵاتییان کردووەتەوە، کە سەرجەم هاووڵاتییانی کوردستان و دەرەوەی کوردستانیش، دەتوانن بەشداری تێدا بکەن.
لەم بارەیەوە هۆشمەند مۆفەق، بەڕێوەبەری گرووپی (ماکۆس ئارت)، بە (باسنیوز)ی ڕاگەیاند: گرووپەکەی ئێمە لە 28 کەس پێک هاتووە، کە زۆربەیان وێنەکێشن، زیاتر لە 800 کەسیش وەک فێرخواز ناویان لای ئێمە نووسیوە و بەشێکی زۆریشیان فێری وێنەکێشان بوون، کۆرسەکەی ئێمەش لە ڕۆژانی داهاتوو دەست پێ دەکات، تا ئێستاش توانیومانە یارمەتیی کەسانێکی زۆر بدەین.
گوتیشی: کۆرسەکەی ئێمە، بۆ فێرکردن و پەرەدانە بە توانای فێرخوازان لە بواری وێنەکێشان، هەروەها خزمەتکردنە بە خەڵکی کوردستان، ئاماژەی بەوەش کرد: دەمانەوێت خەڵکانێکی زۆر بەشداریی کۆرسە بێبەرانبەرەکەمان بکەن.
بەڕێوەبەری گرووپەکە هێمای بۆ ئەوەش کرد، کە دەیانەوێت لەو کۆرسە ئۆنڵاینەدا، کەسانێکی زۆر سوودمەند بن، بە تایبەت ئەو کەسانەی نەیانتوانیوە بچنە زانکۆ و پەیمانگەکان.
هۆشمەند باسی لەوەش کرد، کە بۆ ناونووسین، تەنیا پێویستە سەردانی پەیجەکەیان لە فەیسبووکدا بکرێت و ناو و زانیاریی خۆیان بۆ پەیجەکەیان بنێرن.
09-07-2017
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,906 mal angesehen
Schreiben Sie Ihren Kommentar zu diesem Artikel!