پەرلەمانی عێراق لە دانیشتنی ئاسایی خۆیدا، ئەمڕۆ دووشەممە 24ی تەمووز، پرۆژە یاسای بودجەی تەواوکاری ساڵی 2017 پەسەندکرد، کە تیایدا دەستەبەربوونی مووچەی فەرمانبەران و خانەنشینان و خەرجیی ئاوارەکان لە خۆگرتووە.
سەلیم جبوری، سەرۆکی پەرلەمانی عێراق لە بەیاننامەیەکدا، کە لە ماڵپەری فەرمی پەرلەمانی عێراقدا بڵاوکراوەتەوە ئاشکرای دەکات، بودجەی تەواوکاری، کە ئەمڕۆ پەسەندکرا، دەستەبەربوونی مووچەی فەرمانبەران و خانەنیشان و خەرجی ئاوارەکان لە خۆدەگرێت.
راشیگەیاند، بودجە تەواوکاریی یارمەتیدەرێکی باش دەبێت بۆ دابینکردنی پێداویستیەکانی وەزارەتی کارەبا و نەوت و پرۆژەکانی ئاو و ئاوەڕۆ و گواستنەوە.
هاوکات مەسعود حەیدەر، ئەندامی پەرلەمانی عێراق لە فراکسیۆنی گۆڕان لە پەیجی فەرمی خۆی لە تۆڕی کۆمەڵایەتی فەیسبوک ڕایگەیاند، دوای ئەوەی بێ ئومێد بووین لە پابەندبوونی حکومەتی هەرێم و حکومەتی ئیتحادی لەسەر دۆسێی نەوت و مووچە، دوو بابەت لە بودجەدا بۆ ئێمە زۆر گرنگ بوو کە بریتبوو لە پارەی دەرمانی هەرێم و پارەی جوتیارانی هەرێم بۆ ساڵەکانی 2014 و 2015 و 2016.
راشیگەیاند، دوێنێ تا درەنگانی شه و لەگەڵ لایەنە نێودەوڵەتییەکان و حکومەت و سەرۆکی فراکسیۆنە کوردییەکان و سەرۆکی لیژنەی دارایی لە گفتوگۆدا بووین بۆ پێدانی دڵنیایی لەلایەن سەرۆک وەزیرانی عێراقەوە بۆ خەرجکردنی پارەی دەرمانی هەرێم و شایستە داراییەکانی جوتیارانی هەرێم بە یەکسانی لەگەڵ شارەکانی دیکە عێراق و بەپێی ڕێژەی قەبارەی پارەکە.
مەسعود ئاماژەی بۆ ئەوەکرد، ئەمرۆ 24ی تەمووز کاتژمێر 11:30 خولەک حەیدەر عەبادی سەرۆک وەزیرانمان بینی و بەڵێنی پێداین، کە ئه و دوو بابەتەی سەرەوە جێبەجێ دەکات و وتی بە ناوی منەوە دڵنیایی بدەنە خەڵکی کوردستان کە خەرج دەکرێت.
25-07-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,436 mal angesehen
Schreiben Sie Ihren Kommentar zu diesem Artikel!