کەمپی #شەرفەدین#، تایبەت بە ئاوارە کوردە ئێزدییەکانە، ئەگەرچی کەمپەکە کاتییە، بەڵام ئاوێکی زۆر کەمی هەیە و، هاوکات لەگەڵ بەرزبوونەوەی پلەکانی گەرماش، دۆخی ژیانی ئاوارەکان قورستربووە.
خراپی باری ژیانیان، وایکردووە بەشێک لە ئاوارەکان بڕیاربدەن کەمپەکە جێبێڵن و بەرەو شوێنی نیشتەجێبوونی خۆیان بگەڕێنەوە.
رۆژانە بڕێکی کەم کارەبا بە کەمپەکە دەدرێت، بەشێکی زۆر لە ئاوارەکان نە فێنککەروەیان هەیە، نە بەفرگر.
بەگوتەی خۆشیان ژیانیان لە کەمپەکە بە دۆخێکی زۆر سەختدا تێدەپەڕێت، گەرما تەواو تەنگی پێهەڵچنیوون، ئەو بڕە ئاوەی هەشیانە لەبەر بەرزی پلەی گەرمییەکەی بە کەڵکی خواردنەوە و بەکارهێنان نەیەت.
نزیکەی 120 خێزانی کوردی ئێزدی لە کەمپی شەرفەدین لەنێو خێوەتەکان دەژین، ئاوارەکانی ئەم کەمپە لە شنگال خاوەنی ماڵ و خانووی خۆیانن، بەڵام بەهۆی شەڕ و هێرشەکانی ئەم دواییەی داعش، ئێستا زۆربەی خانووەکانیان وێرانبوون و بەکەڵکی ژیان نایەن.
26-07-2017
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,468 mal angesehen
Schreiben Sie Ihren Kommentar zu diesem Artikel!