دواڕۆژ، بورهان یەحیا
رێڤەبەرێ گشتیێ کاروبارێن ئێزدییان ل وەزارەتا ئەوقاف و کاروبارێن ئایینى رۆهنکر، هەر دوو ویلایەتیێن هانۆڤەر و کیل ئالى ل وەلاتێ ئەلمانیا بریار داینە کو 569 کچ و ژنێن ئێزدى یێن رزگاربوویى ژدەست داعش وەربگرن و کار لسەر چارەسەرییا دەروونى و چەندین جۆرێن دى یێن هاریکاریێ بۆ وان بکەن.
خەیرى بۆزانى، رێڤەبەرێ گشتیێ کاروبارێن ئێزدییان ل وەزارەتا ئەوقاف و کاروبارێن ئایینى بۆ دواڕۆژ رۆهنکر پێشتر ژى چەندین جاران وەلاتێ ئەلمانیا لناڤ کەمپێن ئاوارەیان ل هەرێمێ و ب تایبەت دهۆک ب سەدان کچ و ژنێن ئێزدى برینە وەلاتێ خۆ و چارەسەری و هاریکاریێن پێدڤى بۆ کرینە و نوکە ژى ویلایەتا کیل ئالى ل ئەلمانیا بڕیار دایە کو 500 کچ و ژنان وەربگرن و ویلایەتا هانۆڤەر ژى بڕیار دایە 69 کچ و ژنێن ئێزدى یێن ژدەست داعش رزگار بووینە وەربگریت.
ناڤبۆرى دا دیارکرن بسپۆر و شارەزایێن بوارێ دەروونى و جڤاکى دێ کار لسەر ڤان ژن و کچێن ئێزدى کو ژدەست داعش رزگار بووینە کەت کو دووبارە ژ ئالیێ دەروونى و جڤاکى ڤه بهێنە ئاڤاکرن و بشێن وەکو بەرێ و ب شێوەیەکێ سەرکەڤتى ڤەگەرنە ناڤ جڤاکى دا و هەر ژنوکە کار بۆ جێبەجێکرنا ڤێ بڕیارێ دهێتەکرن.
پێشتر حسین قائیدى، بەرپرسێ نڤیسینگەها کاروبارێن رەڤاندیێن دەستێ داعش ل دهۆک بۆ دواڕۆژ رۆهنکربوو 6417 وەلاتیێن ئێزدى هاتبوونە رەڤاندن کو نێزیکى 2970 هاتینە رزگارکرن و نێزیکى 3400 کەس ژى هێشتا د دەست داعش دا ماینە.
28-07-2017
Dieser Artikel wurde in (کرمانجی - کوردیی سەروو) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dieser Artikel wurde bereits 5,802 mal angesehen