#مەلا خۆرکە بووە#
ئيديۆمێکە لەنێو کوردان دوای بڵاوبونەوەی ئاينی ئيسلام هاتۆتە ئاراوە، چونکە(شەرع وسولح وفتوا و ناشتن و تەلقين و پێش نوێژی وتاد) کاری مەلا بووە، بۆيە لە ئاواييەکانی کوردستان لەسەر خەڵکەکە بوو مەلا بەخێو بکەن، ئەم ئيديۆمە لەوە سەرچاوەی گرتووە کاتێک خەڵک پرسياری بەروبومێکی کشتوکاڵی وەک تور و سلق و کەوەر و تەرەتيزە و کەرەويز و گندۆرە و شوتی و خەيار و تەماتە و هەنجير وتاد بکەن، يان هەموو بەرهەمێک سەرەتای پێ گەيشتنی و گوڵ بەدەمی پێی وتراوە(مەلا خۆرە بووە) واتە سەرگوڵەکەی بۆ مەلا دەبێت، چونکە ڕێزی مەلاکان لەناو کوردان زۆر گيراوە هەموو ڕسق و بەرهەمێک حەزدەکرا سەرتۆپ و يەکەم بەری سەرگوڵی بۆ ماڵی مەلا ببردرێت کەواتە بۆيە وتراوە مەلا خۆرکە بووە وە خەلکيش به و ئيديۆمە تێ دەگات کە بەرهەمەکە سەرەتايەتی و خەريکە تەواو پێ بگات.[1]
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 690 mal angesehen