بە پێی ڕاپۆرتگەلێک کە بە #کۆمەڵەی مافی مرۆڤی کوردستان# گەیشتوە لە دوای ئاگر تێبەردانی چەندڕوژ پێشی دارستان و چیاکانی #شاهۆ# و دەروبەری لە نێوان ناوچەی #مەریوان# و #سنە# و کامێران و بانگەوازی ژینگەپارێزانی خۆجەیی بۆ هەڵمەتێکی هەروەزی بۆ کوژانەوەی ئاگرەکە، ئەمڕۆ سەرلە بەیانی چەندین تیمی ئاگرکوژانەوە پێکهاتوو لە خەڵکانی مەدەنی و خۆبەخش ژینگەپارێزانی شارەکانی سنە و مەریوان و دێولان و کامێران بە مەبەستی کوژانەوە ئاگرەکە خۆیان گەیاندوەتە ناوچەکە.
ئەوەی جێگای سەرنجە هێزەکانی سپای پاسداران بە بیانوی ئەوەی لە شاهۆ مانۆڕی نزامی بەڕێوە دەچێت، ڕایگەیاندوە لە کاتژمێر 3ی دوانیوڕۆی ڕۆژی چوارشەمە 18ی گەلاوێژ بەولاوە خەڵکی دەتوانن بچن بۆ ئاگر کوژانەوە.
شایانی باسە ئاگر کەوتنەوەکانی ڕۆژهەڵاتی کوردستان هەر جارە و بە بیانوێک لە لایەن دەست و پێوەندەکانی سپای پاسدارانەوە ئەنجام دەدرێت و ئەم ڕاگەیاندنەی سپای پاسداران باشترین بەڵگەیە کە بکەری ئەو تاوانانە هەر سپای پاسدارانە، چونکە سروشتی کوردستان پڕ لە گیاو و دەوەنە و هەموکەس دەزانێت لەم وەرزەی ساڵدا مانۆڕی سەربازی ئاگرکەوتنەوەی لێدەکەوێتەوە و بەو حاڵەشەوە لایەنەپەیوەندیدارەکانی حکومەت هیچ هەوڵێک بۆ کوژانەوەی ئاگرکەوتنەوەکان نادەن و تەنانەت ڕێگری لە کوژانەوەی ئاگرەکانیش دەکەن.
کۆمەڵەی مافی مرۆڤی کوردستان
09-08-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,963 mal angesehen
Schreiben Sie Ihren Kommentar zu diesem Artikel!