بەرپرسێکی #وەزارەتی ئەوقاف و کاروباری ئایینی# هەرێمی کوردستان ڕایگەیاند، لە هەرێمی کوردستان نزیکەی 350 هەزار کەس، لە پێنج هەزار و 500 مزگەوت، بەشداری نوێژی #جەژنی قوربان#یان کردووە.
مەریوان نەقشبەندی، بەڕێوەبەری پەیوەندییەکان لە وەزارەتی ئەوقاف و کاروباری ئایینی هەرێمی کوردستان بە تۆڕی میدیایی ڕووداوی ڕاگەیاندبەرەبەیانی ڕۆژی هەینی (01-09-2017) و لە یەکەم ڕۆژی جەژنی قوربان، نزیکەی 350 هەزار کەس لە پێنج هەزار و 500 مزگەوتی هەرێمی کوردستان، بەشداری نوێژی جەژنی قوربانیان کرد.
بەڕێوەبەری پەیوەندییەکان لە وەزارەتی ئەوقاف و کاروباری ئایینی هەرێمی کوردستان گوتی بەبێ ئەوەی هیچ ڕێنماییەک لە وەزارەتی ئەوقاف هەبێت بۆ گوتاری جەژنی قوربان، زۆرینەی مامۆستایانی ئایینی باسی سەربەخۆیی کوردستان و گشتپرسییان کرد و هیوایان بەوە خواستووە جەژنی داهاتوو لە کوردستانێکی سەربەخۆدا بکەن.
لە هەرێمی کوردستاندا پێنج هەزار و 500 مزگەوت هەن لە هەموو ئەو مزگەوتانەشدا نوێژی جەژنی قوربان کراوە.[1]
01-09-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,004 mal angesehen