بەرپرسێکی #کۆمیسیۆنی باڵای سەربەخۆی هەڵبژاردن# و ڕاپرسی باسی دامەزراندنی 60 هەزار کەس دەکات بۆ بنکەکانی دەنگدان و دەڵێت: ڕێنمایی تازە لەو بارەوە دەرچووە.
دڵشاد نامیق، جێگری بەڕێوەبەری گشتیی کۆمیسیۆنی باڵای سەربەخۆی هەڵبژاردن و ڕاپرسی لەمبارەوە بۆ (باسنیوز) گوتی: زۆرێک لە هاووڵاتیان لەبارەی دامەزراندنی گرێبەست بۆ ڕۆژی دەنگدان بۆ ڕیفراندۆمی سەربەخۆیی پرسیار دەکەن کە ئایا ئەوە لەڕێگەی فۆڕمەوەیە یان چۆنە؟.
بەپێی ڕێنمایی کۆمیسیۆنی باڵای سەربەخۆی هەڵبژاردن و ڕاپرسی هەرێمی کوردستان، شێوازی دامەزرادنی ئه و کەسانە لەڕێگەی فۆڕمەوە نابێت، بەڵکوو بەم شێوەیەی خوارەوەیە.
1- کەسانی یاسایی (پارێزەر+مافپەروەر) دادەمەزرێنرێن وەک کارمەندی کۆمیسیۆن بۆ بەڕێوەبەری بنکەی دەنگدان (منسق) و بەڕێوەبەری وێستگەی دەنگدان (مدیر محەتە).
2- ئه و قوتابخانە و خوێندنگانەی کە دەنگدانیان تێدا دەکرێت، تەنیا مامۆستا و بەڕێوەبەرەکانی ئه و قوتابخانانە دادەمەزرێنرێن وەک فەرمانبەری ناو بنکە و وێستگەکانی دەنگدان و ئەگەریش ژمارەی مامۆستاکان زیاتر بوو لە ژمارەی فەرمانبەری پێویست، ئەوا دامەزرانەکە به شێوەی تیروپشک دەبێت.
دڵشاد نامیق، ئەوەشی خستە ڕوو: تکایە با هیچ کەسێک هیچ فۆرمێک نەکڕێت و پڕی نەکاتەوە بەناوی دامەزراندن له کۆمیسیۆن، ئەوەی به و ناوەوە دەکرێت لە هەندێ شوێن شتێکی ناڕاستە و فەرمانگەکانی کۆمیسیۆن هیچ فۆرمێکیان دابەش نەکردووە.[1]
07-09-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,406 mal angesehen
Schreiben Sie Ihren Kommentar zu diesem Artikel!