دوای پشکنینی تەندروستی بۆ جۆرە بنێشتێکی کوردی بەهۆی نەشیاوی بۆ خواردن، لیژنە هاوبەشەکانی قائیمقامیەتی #سلێمانی# بڕیاری قەدەغەکردنی دا، لەم بارەیەوە نوێنەری تەندروستی زانیاری زیاتر ئاشکرا دەکات.
لە ڕاگەیاندراوێکدا ئازاد نەبی نوێنەری تەندروستی لە لیژنەی باڵای لیژنە هاوبەشەکانی سلێمانی بڵاویکردەوە، لەئەنجامی سەردان و پشکنینە بەردەوامەکانی لیژنە هاوبەشەکانی قائیمقامیەتی سلێمانی دەرکەوت کارگەی بنێشتی دیانا، دوو جۆر بنێشتی هەیە، بۆیە بەمەبەستی پشکنینی ڕەوانەی بەڕێوەبەرایەتی تەندروستی سلێمانی کرا و لە ئەنجامدا دەرکەوت بۆ خواردن شیاو نییە.
ئازاد نەبی وتیشی: ئەو دوو جۆرەی کە کارگەی دیانا دروستی کردووە یەکێکیان ڕەنگ ئاڵتونیە کە لێبڵەکەی بەپێی تایبەتمەندی عیراق دروست نەکراوە و جۆرەکەی دیکەشی #بنێشتی کوردی# ڕەنگ زەردە کە بەهەمان شێوە شیاوی بەکارهێنان نییە.
نوێنەرەکەی تەندروستی ئاماژەی بۆ ئەوەش کردووە: بەفەرمانی قائیمقامی سلێمانی و لەلایەن لیژنە هاوبەشەکانەوە دەست بەسەر328 کیلۆ گرام بنێشتی کوردیدا گیراوە و لەناوچەی تانجەرۆی شاری سلێمانی لەناو دەبرێت.[1]
11-09-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,947 mal angesehen