راگەیێندراوێک لە مەکتەبی سیاسی #پارتی دیموکراتی کوردستان#ەوە
بڕیاری نارەوا و نایاسایی لادانی بەڕێز دکتۆر #نەجمەدین کەریم# لە پۆستی پارێزگاری #کەرکووک# بە توندی ئیدانە و ڕەتدەکەینەوە.
بەم بڕیارە بێ بنەمایە کە هیچ ئیعتبارێکی نییە، جارێکی دیکە دەسەڵاتدارانی بەغدا سەلماندییان کە هیچ نرخ و بەهایەک بۆ شەراکەت و شەرعیەت و تەوافوق و دەستور و متمانەی گەل و دەنگ و ڕای هاوڵاتییان دانانێن و کۆی ئەو پرنسییانەیان ژێرپێناوە کە عێراقی نوێی لەسەر دامەزرا.
ئەم بڕیارە نابەجێیە، ئاماژەیەکی ڕوونە بۆ ئەو سیستمە سیاسییەی دەیانەوێت بەزەبری دیکتاتۆریەتی زۆرینە بیسەپێنن و کۆدەتایەکی بێمنەتە بەسەر دەستور و دیموکراتی تەوافوقی و حوکمی ئیتیحادیی و بەسەر خودی پەرلەمانەکەی عێراقدا.
ئێمە لە لای خۆمانەوە ئەم جۆرە دەستوەردان و مەرکەزییەتە ملهوڕانەیە بە توندی ڕەت دەکەینەوە. پشتیوانی بێسنوریش بۆ جەنابی پارێزگاری کەرکووک دکتۆر نەجمەدین کەریم دەردەبڕین و هەڵوێستە نیشتمانی و نەتەوەییەکانی بەرز دەنرخێنین.
مەکتەبی سیاسیی
پارتی دیموکراتی کوردستان
14-09-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,273 mal angesehen
Schreiben Sie Ihren Kommentar zu diesem Artikel!