سکرتێری گشتی نەتەوە یەکگرتووەکان ئاشکرایدەکات، 78% سزاکانی #لەسێدارەدان# لە جیهاندا تەنها لە چوار وڵاتەدا ئەنجامدەدرێت، داواشدەکات وڵاتان دەستبەرداری ئه و کارە دڕندانەیەببن.
ئەنتۆنیۆ گوتێریش، سکرتێری گشتی #نەتەوە یەکگگرتووەکان#، لە میانەی وتارێکیدا بەبۆنەی ڕۆژی جیهانی ڕوبەڕووبوونەوەی سزای لەسێدارەدان، ڕایگەیاند تەنها 4 وڵات لە سەدا 78ی سەرجەم سزا لە سێدارە تۆمارکراوەکان ئەنجامدەدەن، ئاماژەی بەوەشکرد بەپێی ئامارەکانی کۆمیسیاری سامی نەتەوە یەکگرتووەکان بۆ مافەکانی مرۆڤ، ئه و وڵاتانە بریتین لە #عێراق# و #ئێران# و چین و سعودیەن.
سکرتێری گشتی وتیشی، ئێمە نیگەرانین له و ئاڕاستەیەی کە دەیەوێت بەهۆی حاڵەتەکانی تیرۆرەوە جارێکی دیکە بە ڕاگرتنی سزای لەسێدارەداندا بچێتەوە و جارێکی دیکە کارای بکەنەوە.
لە کۆتاییدا سکرتێرەکە داوای لەسەرجەم وڵاتانکرد کە وازبهێنن لە ئەنجامدانی ئه و کارە دڕندەیە و وتی لە سەدەی 21 دا جێگەی سزای لە سێدارەدان نەماوە. [1]
11-10-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,531 mal angesehen