#دەستەی سەربەخۆی مافی مرۆڤ# ئیدانەی تاوانەکانی #حەشدی شەعبی# بەرامبەر هاوڵاتیانی #کەرکووک# و دوز #خورماتو# دەکات و بە #تاوانی جەنگ#ی لەقەڵەم دەدات.
بەداخەوە دوای ڕوداوەکانی 16 ی ئۆکتۆبەری 2017 ی کەرکووک و دوزخورماتوو شوینەکانی ترو تەنانەت پیش ئه و ڕوداوو هێرشانەش، هێزەکانی حەشدی شەعبی لەناوچەکانی دووز خورماتو دەیان پێشیلکاری و تاوانیان بەرامبەر هاوڵاتیانی ئه و ناوچانە ئەنجام داوە تەنها بەهۆی جیاوازی نەتەوەیی و تائیفی و مەزهەبی، ئه و تاوانانەی هێزەکانی حەشدی شەعبی لەکاتێکدایە کە ئه و هێزە لەلیستی شەرمنی نەتەوە یەکگرتوەکان هەژمارکراوه و بەشێک له و تاوانانەش بەهاوکاری هێزەکانی سوپای عێراق و تەنانەت بەبەرچاوی هێزە ئەمنیەکانی عێراقەوە ئەنجام دەدەن، بەشێک لەوتاوانانەش دەچێتە چوارچێوەی تاوانەکانی جەنگ. ئەمەش وای کردوە کە سەدان هاوڵاتی ئاواره و دەربەدەر بون لەخاک و ماڵی خۆیان لەهەردوو شاری کرکوک و دوزو خورماتو و چەند ناوچەیەکی ترو ڕویان لەشارەکانی هەرێمی کوردستان کرد. بەداخەوە ئێمە لەدەستەی سەربەخۆی مافی مرۆڤ وێرای ئەوەی ئیدانەی ئه و تاوان و پێشیلکاریانە دەکەین کە لەلایەن حشدی شعبی یەوە بەرامبەر هاوڵاتیانی مەدەنی و بەتایبەت ژن و منداڵان دەکرێت لەهەمان کات نیگەرانی خۆمان دەردەبڕین بەرامبەر بێ دەنگی و چاوپۆشینی حکومەتی عێراق و لیژنەی مافی مرۆڤی ئەنجومەنی نوێنەران لە ئاست ئه و تاوانانە وە بەتایبەت بێ هەڵوێستی و بێ دەنگی کۆمسیۆنی مافەکانی مرۆڤی عێڕاقی توشی سەر سوڕمانی کردین کە تا ئەمڕۆش هیچ بەدواداچون و هەوڵویستێکیان نەبوە بە ڕامبەر ئه و تاوانانه و تەنانەت بەپەیامێکیش ئیدانەی ئه و هەمو پێشیلکاری و تاوانەیان نەکردوە کە لەچەند ڕۆژی ڕابردوو ئەنجامدرا. بۆیە پێویستە هەرچی زووە چیتر ڕێگە به و هێزە نەدرێت بەردەوام بێت لەسەر ئەنجامدانی تاوانەکان و کوشتن و تاڵان کردنی ماڵ و موڵکی هاوڵاتیان له و ناوچانە بەتایبەت لەشاری کرکوک و دووزخورماتو. داواش دەکەین کۆمەڵگەی نێودەوڵەتی بەجدی بێتە سەرخەت و وڵاتانی دۆست و جیهان بەگشتی تەنها تەماشاکارنەبن.
هەر لێرەوەش بەپێویستی دەزانین سوپاس و پێزانینی خۆمان ئاراستەی جەماوەری دڵسۆزو مرۆڤ دۆستی شارەکانی هەولێروسلێمانی و گەرمیان بکەین بۆ ئه و بەدەمەوە هاتن و پێشوازیەی لە خوشک و براکانی خۆیان کرد کە ئاوارەی ئه و شارانە بون ویان بڵێین میوانی ئه و شارانە بون وە هەروەها سوپاسی یەکە ئیداری و دام و دەزگاکانی ئەمنی و خزمەتگوزاریش کە هەمووان بەیەکەوە هاوکار بون لە دابین کردنی شوێن و پێداویستی و خۆراک و خزمەتگوزاری بۆ ئاوارەکان و به و کارەش کەمێک لە ئازاری ئه و خەڵکەیان کەمکردەوە. مێژوەکی پر شانازی تریان تۆمار کرد.
لەگەڵ ڕێزماندا.
دەستەی سەربەخۆی مافەکانی مرۆڤ / هەریمی کوردستان
19-10-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,814 mal angesehen
Schreiben Sie Ihren Kommentar zu diesem Artikel!