دواڕۆژ، عەلی حەمە سەعید
بەهۆی #بومەلەرزە#کەی 12ی تشرینی دووەمەوە، زیاتر لە 560 کەس لە#هەڵەبجە# برینداربوون و 645 خانوو زیانیان بەرکەوتووە، جێگری پارێزگاری هەڵەبجەش دەڵێت زۆرترین زیان بەر ناحییەی #بەمۆ#ی سەربەپارێزگای هەڵەبجە کەوتووە.
کاوە عەلی، جێگری پارێزگاری هەڵەبجە بەدواڕۆژی ڕاگەیاند بەگوێرەی ئه و ئامارانەی کە لەماوەی سێ ڕۆژی ڕابردوودا لەڕێگەی لیژنە تایبەتمەندەکانەوە بەدەستمان گەیشتوون، بەهۆی بومەلەرزە بەهێزەکەوە تائێستا 645 خانوو لە سنووری پارێزگای هەڵەبجە زیانیان بەرکەوتووە کە زۆربەیان دەکەونە ناحیەی بەمۆی سەر بەپارێزگای هەڵەبجە.
ئاماژەی بەوەشکرد هەر بەهۆی ئه و بومەلەرزەیەوە تائێستا 560 بریندار لەسنورەکەدا تۆمار کراوە، بەڵام خۆشبەختانە هیچ حاڵەتێکی گیان لەدەستدانی لێنەکەوتوەتەوە، هاوکات هەر بەهۆی بومەلەرزەکەوە بینای 23 خوێندنگە و قوتابخانەی سنورەکە زیانیان پێگەیشتووە، بەجۆرێک چوار بینایان مەترسی ڕوخانیان لەسەرە، هاوکات هەر بەهۆی بومەلەرزەکەوە ژمارەیەک کانی و کارێزی گوندەکانی سنوری پارێزگای هەڵەبجە وشک بوون.
جێگری پارێزگاری هەڵەبجە ئەوەشی وت سێ نەخۆشخانە زیانی گەورەیان پێگەیشتووە، ئەمە سەرەڕای ئەوەی زیانێکی گەورە بە پرۆژە ستراتیژییەکەی دابینکردنی ئاوی هەڵەبجە کەوتووە بەجۆرێک لە ئێستادا ڕۆژانە لە دوو هەزار مەترسێجا لە کاتژمێرێکەوە، کەمیکردوە بۆ هەزار مەترسێجا لە کاتژمێرێکدا.[1]
17-11-2017
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,784 mal angesehen
Schreiben Sie Ihren Kommentar zu diesem Artikel!