دزی حەوت شاران بوايە، بەس تۆزێک جوان بوايە
دەگێڕنەوە دايکێک خوازبێنی کيژێک بۆ کورە ناشيرينەکەی دەکات کە کوڕەکەی زۆر ناحەز و ڕەزاگران و لاواز و کەسم ناڕێک بووە و يەک تەڵە يان تاڵە موش بەسەرييەوە نەماوە و ددانيشی شاش و واش بووە زۆر پێی داهەڵدەڵێت و مەدح و سەنای دەکات و دەڵێت کاسبە و بەڕەوشتە و سەری بچێت نوێژی ناچێت و ئێوران لەگەڵ دەنگی مەلای دێتەوە بۆ ماڵەوە و دەستی ڕەنگينە و زێڕی دەبڕی و هەموو کيژی دوونيا بەرچاوی بڕۆن چما بيشيکوژی سەری بەرز دەکاتەوە، دايکی کچەش کە کوڕەکەی بينيووە زوو قسە بەدايکی کوڕەکە دەبڕێت و دەڵێت خوشکم بڕيا کوڕەکەت دزی حەوت شاران بوايە بەس تۆزێک جوان بوايە، ئەم درکەيە بە خۆزگەوە دەوترێت چونکە هەموو ئەوانەی باس دەکرێت خاڵی سەرەکی نين بۆ ڕاکێشانی دڵی دوڵبەرێک و يار يارێنی پێ ناکرێت چونکە تەمەنی کوڕە و کچە ئه و هەموو کامڵيەی نەگەرەکە چەندە چاوی بەخومار و بەژن و خەت و قەڵەم و قامەتی بەرزی پێويستە.
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,225 mal angesehen
Schreiben Sie Ihren Kommentar zu diesem Artikel!