دواڕۆژ، عەلی حەمە سەعید
بەڕێوەبەری گشتی شارەوانییەکانی #هەڵەبجە# ئاشکرایکرد، داهاتی ساڵی ڕابردوو لە سنووری شارەوانییەکانی هەڵەبجە بڕی 100 ملیۆن و 500 هەزار دینار بووە، لەکاتێکدا بڕی خەرجییەکانیان یەک ملیار و 85 ملیۆن دیناربووه و چەندین پرۆژەی گرنگیشیان ڕاگیراوە.
حەسەن ڕەشید، بەڕێوەبەری گشتی شارەوانییەکانی هەڵەبجە بە دواڕۆژی ڕاگەیاند، لە سنوری بەڕێوەبەرایەتی گشتی شارەوانییەکانی هەڵەبجە کە هەریەکە لە شارەوانییەکانی هەڵەبجە، خورماڵ، سیروان، بیارە، تەوێڵە و بەمۆ دەگرێتەوە، لەساڵی ڕابردوودا کۆی گشتی خەرجییەکانمان بریتبوون لەبڕی یەک ملیارو 825 ملیۆن 733 هەزار دینار، له و بڕە پارەیەش بڕی 149 ملیۆن دیناری بۆ خزمەتگوزاری شارەوانیەکان و ئیدارەکان خەرجکراوە، هەروەها لەبەرامبەر خەرجیەکانماندا بڕی 100 ملیۆن و 505 هەزار دینار داهاتمان هەبووە.
وتیشی لە سنوری پارێزگای هەڵەبجە چەندین پڕۆژەی گرنگ و ستراتیژمان ڕاگیراون بەجۆرێک لەناحیەی سیروان بەبڕی پێنج ملیار دینار سێ پڕۆژەی خزمەتگوزارمان ڕاگیراوە،جگە لەمەش چەندین پڕۆژەی گرنگی دیکە لە سنوورەکەمان ڕاگیراوە.
بەڕێوەبەری گشتی شارەوانییەکانی هەڵەبجە ئاماژەی بەوەشدا، ڕاگرتنی ئه و پڕۆژانە لە سنووری پارێزگای هەڵەبجە هۆکارەکەی بۆ نەبوونی بودجه و بەردەوامی قەیرانی دارایی دەگەڕێتەوە، هاوکات لەگەڵ ئەوەی کە قەیرانی دارایی لە ساڵی ڕابردووشدا بەردەوامی هەبوو بەڵام بە گوێرەی توانای خۆیان لە هەریەکە لە شارەوانیەکانی (هەڵەبجە، خورماڵ، تەوێڵە و بیارە، سیروان، بەمۆ) کە سەربەبەڕێوەبەرایەتی گشتی شارەوانییەکانی هەڵەبجەن کارووبارەکانیان جێبەجێکردووە.[1]
#13-01-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,958 mal angesehen
Schreiben Sie Ihren Kommentar zu diesem Artikel!