ژووری بازرگانی و پیشەسازی سلێمانی ڕایدەگەیێنێت، بەرزکردنەوەی نرخی یەکەی کارەبا بۆ کارگە پیشەسازییەکان توانای کێبڕکێی ئەو کارگانە لەبەردەم بەرهەمە هاوشێوەکانی دەرەوە لاوازدەکات.
ئەمڕۆ دوو شەممە5-2-2018 ژووری بازرگانی و پیشەسازی سلێمانی ڕاگەیێندراوێکی لەبارەیم بەردەوامی بەرزکردنەوەی نرخی یەکەی کارەبا بۆ کارگە پیشەسازییەکانی هەرێمی کوردستان بڵاوکردەوە.
لە بەشێکی ڕاگەیێندراوەکەدا ئەوە خراوەتەڕوو چاوەڕێی ئەوەیان کردووە حکومەتی هەرێمی کوردستان لەپێناو پاراستنی بەرهەمی ناوخۆ و بوژاندنەوە و بەهێزکردنی کەرتی تایبەت چاوی لە حکومەتی ناوەندی عێراق بکردایە و نرخی یەکەی کارەبای لە 40% بۆ کارگە پیشەسازییەکان کەمبکردایەتەوە.
لە ڕاگەیێندراوەکەدا هاتووە، وەزارەتی کارەبای عێراق نرخی یەک کیلۆوات کارەبای لەسەر کارگە پیشەسازییەکان لە 100 دینارەوە بۆ 60 دینار کەمکردووەتەوە، بەڵام لەبەرامبەردا حکومەتی هەرێمی کوردستان لەماوەی دوو ساڵی ڕابردودا نرخی کارەبای بەڕێژەی لە 500% لەسەر کارگە پیشەسازییەکان زیادکردووە، بەوجۆری نرخی یەک کیلۆوات کارەبای لە 20 دینارەوە بۆ 120 دینار بەرزکردووەتەوە.
ژووری بازرگانی و پیشەسازی سلێمانی جەخت لەوە دەکاتەوە، بەرزکردنەوەی نرخی یەکەی کارەبا لەم دۆخەدا هەنگاوێکی بێپلان و بەرنامەڕێژنەکراوە، سەرەنجام ئەرکی سەرشانی کەرتی تایبەت لە هەرێمی کوردستاندا گران و قورستر دەکات و دەبێتە هۆکاری بەرزبوونەوەی نرخی بەرهەمە ناوخۆییەکان.[1]
#05-02-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,926 mal angesehen
Schreiben Sie Ihren Kommentar zu diesem Artikel!