بەرپرسێکی وەزارەتی نەوتی عێراق ئاشکرایدەکات، بەرهەمی نەوتی کێڵگەکانی #کەرکووک# بەرزبۆتەوە بۆ 425 هەزار بەرمیلی ڕۆژانە و بەشی زۆریشی بۆ پاڵاوگە ناوخۆییەکان دەنێردرێت بۆ بەرهەمهێنانی سوتەمەنی.
رۆژنامەی (سەباح) لەسەر زاری کەریم حەتاب، بەرێوەبەری بەرهەم و دەرهێنانی لە وەزارەتی نەوت ڕایگەیاند، بەرهەمی نەوتی کەرکووک بۆ پاڵاوگە ناوخۆییەکان دەنێردرێت، 100 هەزار بەرمیل بۆ پاڵاوگەی بێجی، 70 هەزار بۆ پاڵاوگەی سەلاحەدین، 30 هەزار بەرمیل بۆ پاڵاوگەی سینیە و حەدیسە.
وتیشی، 100 هەزار بەرمیلیش ڕەوانەی پاڵاوگەی موسڵ و 52 هەزاریش بۆ پاڵاوگەی کەرکووک و 28 هەزار بەرمیلیش بۆ پاڵاوگەکانی کۆمپانیای قەیوان لە سلێمانی و 25 هەزار بەرمیل بۆ وێستگەی کارەبای قودس لە بەغدا دەنێردرێت.
حەتاب ئاماژەشیداوە بەرزبوونەوەی بەرهەمی نەوتی کێڵگەکانی کەرکووک دوای ئەوە دێت کە حکومەتی فیدراڵی دەستیگرتەوە بەسەر هەردوو کێڵگەی ئاڤانا و بای حەسەن.[1]
#19-03-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,773 mal angesehen