بەداخەوە جارێکی تر تیمە ڕۆژنامەوانییەکانی #یەکگرتوی ئیسلامیی کوردستان# کەوتنە بەر شاڵاوی هەرەشە لێکردن و پەلاماردان و دەستبەسراگرتن و دەستگیرکردن، لەکاتێکدا پەیامنێر و کامێرەمانەکانی کەناڵی ئاسمانی سپێدە و تەلەفزیۆنی خابیری لۆکاڵی وەک ئەرکێکی پیشەیی خۆیان، ڕوماڵی خۆپیشاندانەکانیان دەکرد و ڕوداوەکانیان بۆ هاوڵاتیان دەگواستەوە، بەشێک لە هێزە ئەمنیەکان بەشێوەیەکی نائیتیکیانە کەوتنە سوکایەتی پێکردن و پەلاماردانیان، لە ئەنجامدا ڕێگریی لە تیمەکانی هەولێر و دهۆک و زاخۆ و سۆران و شیلادزێی کەناڵی ئاسمانیی سپێدە کرا و دەست بەسەر کەلوپەلە ڕۆژنامەییەکانی تەلەفزیۆنی خابیری لۆکاڵی لە زاخۆ گیرا.
ئێمە وەک دامەزراوەی ڕاگەیاندن و هونەر لە یەکگرتوی ئیسلامیی کوردستان بە توندی ئیدانەی ئەم جۆرە ڕەفتارە ناشارستانیانە دەکەین و داوا لە لەلایەنی پەیوەندیدار دەکەین کە ڕێگە نەدەن ئەم جۆرە مامەڵە نەشیاوانە لەگەڵ تیمە ڕۆژنامەوانیەکاندا دوبارە ببێتەوە و سزای ئەو کەسانە بدەن کە ئەم جۆرە کارانە دەکەن.
هەروەها داوا لە سەندیکای ڕۆژنامەنوسانی کوردستان و ڕێکخراوەکانی دیکەی پەیوەست بە کاری میدیاییی و داواکاری گشتیی دەکەین کە لە ئاست ئەم جۆرە ڕوداوانەدا بێدەنگ نەبن و لەگەڵ تۆمارکردنی ئەم حاڵەتانە هەڵوێستی شیاو دەربرن و ڕێگە نەدەن بە بیانوی جۆراوجۆر کاری میدیایی سنوردار بکرێت و ڕۆژنامەنوسان سوکایەتییان پێ بکرێت.
دامەزراوەی ڕاگەیاندن و هونەری یەکگرتوی ئیسلامیی کوردستان
#26-03-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 5,613 mal angesehen