دواڕۆژ، #زریان محەمەد#
کرێنشینان داوادەکەن پەلەبکرێت لە تەواوکردن و دابەشکردنی دوو پڕۆژەی وەستاوی نیشتەجێبوون، کە بۆ کرێنشینان دروستکراوە و بەسەریاندا دابەش بکرێت.
بەرهەم قەرەداغی، سکرتێری کۆمەڵەی کرێنشینانی کوردستان بەدواڕۆژی وت لەشاری سلێمانی دوو پرۆژە پڕۆژەی نیشتەجێبوون هەیە کە سەدان ملیۆن دیناری نێچووه و بریتین لە سیتەک و زڕگوێز، کە خۆی لە 1500 یەکە دەبینێتەوە، و چەند ساڵێکە تەواوبووە، بەڵام بەهۆی نەبوونی خزمەتگواریی دابەش نەکراوەن، بەوەش بێکەڵک بوون زۆربەیان پەنجەرە و دەرگایان شکاوە و لەناوەوە خراپ و پیسبوون و دووبارە پێویستی بە نۆژەنکردنەوە هەیە.
وتیشی کۆمەڵەکەمان بەفەرمی داواکاری ئاڕاستەی نوسینگەی ئەنجومەنی وەزیران و وەزارەتی ئاوەدانکردنەوە و پارێزگاری سلێمانی و سەرۆکی ئەنجومەن و قایمقامی سلێمانی کردوە تا بەزووی پارەی خزمەتگوزارییەکانی خەرجبکەن و دەستبکرێت بەدابەشکردنی بۆ کرێنشینان، بەڵام تا ئێستا هیچ لایەنێک وەڵاممان ناداتەوە.
ئاماژەی بەوەشدا پارەی خزمەتگوزارییەکان، بۆ ڕاکێشانی ئاو ئاوەڕۆ و کارەبای ناو پڕۆژەکە و نۆژەنکردنەوەی، بە 43 ملیار دینار خەمڵێندراوە دراوە بە کۆمپانیایەک و لە ٪10 پارەکەی پێدراوە، بەڵام هیچ ئیشێک لە ناو پڕۆژەکەدا نەکراوە و هەر وەک خۆیەتی.
لەئێستادا 80 هەزار کرێچی لەلای کۆمەڵەی کرێنشینان لەسەرتاسەری کوردستان تۆماکران و بەپێی ئامارێکی بەڕێوەبەرایەتی ئاماری کوردستانیش زیاتر لە 200 هەزار کرێنشین لە کوردستان هەیە.[1]
#15-04-2018#
Dieser Artikel wurde in (کوردیی ناوەڕاست - Central Kurdish) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,596 mal angesehen
Schreiben Sie Ihren Kommentar zu diesem Artikel!