دواڕۆژ، عەلی حەمە سەعید
بەڕێوەبەری گشتی کشتوکاڵی #هەڵەبجە# ئاشکرایکرد، حکومەتی عێراق بۆ ئەمساڵ بڕیاریداوە کە بڕی 18 هەزار تەن گەنم لە جوتیارانی سنوری پارێزگای هەڵەبجە وەربگرێت لەکاتێکدا ساڵی ڕابردوو تەنها بڕی هەشت هەزار تەن گەنمی وەرگرت، هاوکات ڕووبەڕی 40 دۆنم زەویش تەرخانکراوە بۆ دروستکردنی سایلۆیەک.
ستار مەحمود، بەڕێوەبەری گشتی کشتوکاڵی هەڵەبجە بە دواڕۆژی ڕاگەیاند، بەهۆی ئه و ڕووبەرە بەرفراوانە زەوییەی کە ساڵانە لە سنوری پارێزگای هەڵەبجە دەکرێت بە گەنم بەڵام لە ساڵانی ڕابردوودا بڕی هەشت هەزار تەن گەنم وەردەگیرا کە ئەوەش بڕێکی زۆر کەمبوو جوتیاران ناچاردەبوون لە بازاڕدا و بەنرخێکی هەرزانتر گەنمەکانیان ساغ بکەنەوە.
ئاماژەی بەوەشکرد، بۆ ئەمساڵ حکومەتی عێراقی لەڕێگەی وەزارەتی بازرگانییەوە بڕیاریداوە کە بڕی 18 هەزار تەن گەنم لە جوتیارانی سنوری پارێزگای هەڵەبجە وەربگرن کە ئەوەش ڕێژەیەکی باشە و جێگەی دڵخۆشییە بۆ جوتیارانی سنورەکە، بەڵام لە ئێستادا گرفتی نەبوونی سایلۆمان هەیە و ئەوەی لە سنورەکەدا هەیە تەنها بنکەیەکی وەرگرتنی گەنمە لە سنوری ناحیەی سیروان.
بەڕێوەبەری گشتی کشتوکاڵی هەڵەبجە ئەوەشی وت بە مەبەستی دروستکردنی سایلۆ ڕووبەڕی 40 دۆنم زەویمان تەرخانکردوە و هەروەها ئه و زەوییەش تاپۆکراوە، بەڵام ئەوە دەکەوێتە ئەستۆی وەزارەتی بازرگانی کە تا چەند ئامادەن سایلۆیەک لە سنوری پارێزگای هەڵەبجە دروست بکەن، چونکە بە دروستکردنی سایلۆ گرفتێکی دیکەی گەورەی جوتیارانی سنورەکە چارەسەر دەکرێت.[1]
#25-04-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,828 mal angesehen
Schreiben Sie Ihren Kommentar zu diesem Artikel!