گەریلاکانی #هەپەگە# و یەژاستار لە چەلێ لەدژی سوپای تورک چالاکییان ئەنجامدا و لە ئەنجامیدا پێنج سەرباز کوژران، هەروەها لە وان-یش لە ئەنجامی چالاکییەکدا سێ ئەندامی دەزگای هەواڵگریی تورک کوژران.
ئەمڕۆ، ناوەندی ڕاگەیاندنی هێزەکانی پاراستنی گەل-هەپەگە، بە بڵاوکردنەوەی ڕاگەیەندراوێک، زانیاریی و وردەکارییەکانی چالاکیی گەریلاکانی لە وان و چەلێی ڕاگەیاند.
لە ڕاگەیەندراوی هەپەگەدا هاتووە: گەریلاکان 25ی حوزەیران کاتژمێر 12:30 خولەکی نیوەڕۆ لە چەلێی سەر بە جولەمێرگ، لە هەنگاوی شۆڕشگێڕانەی شەهید پیرۆز و شەهید ئاگریدا، چالاکییەکیان لەدژی سوپای تورکدا ئەنجامدا، لەو چالاکییەدا پێنج سەربازی سوپای تورک کوژران.
لە بەشێکی دیکەی ڕاگەیەندراوی هەپەگەدا هاتووە: گەریلاکانی یەژاستار ڕۆژی 21ی حوزەیران کاتژمێر 10:00ی شەو لە دەوروبەری شارۆچکەی سارای سەر بە وان، ئۆتۆمبێلێکی گواستنەوەی ئەندامانی دەزگای هەواڵگریی و سیخوڕیی دەوڵەتی تورکیان کردە ئامانج، لەو چالاکییەدا سێ ئەندامی دەزگای هەواڵگریی تورک کوژران.[1]
#26-06-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 4,447 mal angesehen