لای هەموان ڕوونە کە لە ماوەی ڕابردوودا بە مەبەستی خستنەڕووی دزی و گەندەڵییەکانی پرۆژەی نیشتەجێبوونی مامۆستایان لە دەرگای چەندین بەرپرسی ئیداری و حکومی و پەرلەمانتارمان داوەو ئەمڕۆش لە پاش گردبوونەوەیەک کە بۆ پیشاندانی ناڕەزایەتی مامۆستایان دژ بەو گەنەکاریانە ئەنجام درا، سەردانی جێگری سەرۆکی حکومەتمان کرد و لە نزیکەوە بە ووردی دزی و گەندەڵییەکانی پرۆژەکەمان پێ ڕاگەیاند و داواکارییەکانمان خستەڕوو، ئەویش لای خۆیەوە بەڵێنی پێداین ئەم کێشەیە چارەسەردەکات !
بەڵام بەداخەوە چەن سەعاتێک بە سەر بەڵێنەکەیدا تێنەپەڕی بەردی بناغەی پرۆژەکەی داناو زۆر سوپاسی وەبەرهێنی پرۆژەکەی کرد ! پاش ئەوەی پەیوەندیمان بە د. عیزت سابیر ڕاوێژکاری دارایی تاڵەبانییەوە کرد، پێی ڕاگەیەندین کە تەنها 2ساڵیان خستۆتە سەر ساڵانی دانەوەی قیستی کۆتایی واتا 40% ی پارەی خانووەکان، کە بەداخەوە ئەمە نەک لەئاستی داواکارییەکانی ئێمەدا نەبوو، بەڵکو لە ئاستی ئەو لە سنگ دان و بەڵێنەی جێگری حکومەتیشدا نەبوو...!
بۆیە لێرەوە ڕایدەگەیەنین کە ئێمە بەم کارە ڕازی نابین و داوا لە مامۆستایان دەکەین دیفاع لە ماف و گیرفانی خۆیان بکەن و نەهێڵن بازرگانی چاوچنۆک و کەسانی مشەخۆری پرۆژەکە ئەم دزی و گەندەڵییەیان لا ئاسایی بکەنەوە...
دەستەی داکۆکی لە مافی مامۆستایانی #گەرمیان#
#26-08-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,730 mal angesehen