دواڕۆژ، کۆچەر عەلی
وەزیری شارەوانی و گەشتوگوزاری هەرێم ڕایدەگەیەنێت، لە جەژنی قوربان و ڕۆژانی دوایی 349 هەزار گەشتیار سەردانی شوێنە گەشتیارییەکانی هەرێمی کوردستانیان کردووە، دەڵێت کۆی خەرجی گەشتیارەکان لە بازاڕەکانی هەرێم 146 ملیار دینار بووە.
ئەمڕۆ یەکشەممە 2ی ئەیلولی 2018، نەورۆز مەولود وەزیری شارەوانی و گەشتوگوزاری حکومەتی هەرێم لە کۆنگرەیەکی ڕۆژنامەوانیدا ڕایگەیاند لەرۆژانی جەژن و ڕۆژانی دوایی 349 هەزار گەشتیار کە لە 84%-یان خەڵکی شارەکانی خوارووی عێراق بوون سەردانی هەریمی کوردستانیان کردووە.
وتیشی بەرارود بە جەژنی ڕەمەزانی ئەمساڵ ڕێژەی هاتنی گەشتیاران 19% زیادیکردووە.
ئاماژەی بەوەشکرد، بە پێی ئەو پلانەی ئەمساڵ دانراوە هاتنی گەشتیاران ڕووی لە زیادبوون کردووە، ساڵی ڕابردوو دوو ملیۆن و نیو گەشتیار هاتوونەتە هەرێم، بەڵام لە شەش مانگی یەکەمی ئەمساڵ زیاتر لە یەک ملیۆن و 300 هەزار گەشتیار سەردانی هەرێمی کوردستانیان کردووە.
نەورۆز مەولود ئەوەشی خستەڕوو ئەو گەشتیارانەی هاتوونەتە هەرێم، بڕی 146 ملیار دیناریان لە بازاڕەکانی هەرێم خەرجکردووە، 50%ی ئەو داهاتەش بۆ شوێنە گەشیارییەکان خەرجدەکرێت و چەند شوێنێکی گەشتیاریش نۆژەندەکرێتەوە.[1]
#02-09-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 3,284 mal angesehen
Schreiben Sie Ihren Kommentar zu diesem Artikel!