دواڕۆژ، عیسا عەبدولقەهار
#وەزارەتی ناوخۆ#ی هەرێم ژمارەیەک کۆمپانیای هێنانی کرێکاری بیانی سزادا و ژمارەیەک کرێکاری بیانیشی دیپۆرت کردەوە، بەرپرسێکی وەزارەتی ناوخۆی هەرێمیش دەڵێت: بەچەند شێوازێک بازرگانی بە کرێکارانی بیانییەوە دەکرێت.
فەرمان محەمەد، بەڕێوەبەری بەرەنگاربوونەوەی توندوتیژی ئافرەتان لە وەزارەتی ناوخۆ لە#هەولێر# بە دواڕۆژی ڕاگەیاند: لەسەر بازرگانیکردن و نەدانی مافی کرێکاران 25 کۆمپانیامان سزاداوە، سزاکانیش دوو جۆرن یەکەمیان، بۆ ماوەی یەک ساڵ دەخرێنە لیستی ڕەشەوە و جۆری دووەمیشیان ئەوەیە، بەشێوەی ماددی سزادراون کە هیچ سزایەکیان لە 10 ملیۆن دینار کەمتر نییە.
لەبارەی کێشەی کرێکارانی بیانی، فەرمان محەمەد وتی: کێشەی 150 کرێکاری بیانی چارەسەرکراوە و 30 کرێکاری بیانیش دیپۆرتی وڵاتەکانیان کراونەتەوە کە بەشێکیان بەهۆی ئەوە بووە کە تاوانیان ئەنجامداوە و بەشێکی تریشیان لەسەر ڕەزامەندی خۆیان بووە.
لەبارەی بازرگانیکردن بە کرێکارانی بیانییەوە، ئه و بەرپرسەی وەزارەتی ناوخۆ، دەڵێت: بەچەند شێوازێک بازرگانی بە کرێکارانەوە دەکرێت، لەوانە: کارپێکردنی ناتەندروست دوور له و گرێبەستەی کراوە لەنێوان کرێکار و خاوەن کار، هەروەها زۆرجاران کرێی تەواوی کرێکاران نەدراوە و کاری زۆری تری پێکراوە، لەسەر ئه و کارانەش کۆمپانیاکان سزادراون.[1]
#25-09-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,011 mal angesehen