لە کۆسرەت ڕەسولەوە بۆ هێز و لایەنە سیاسییەکان
بەناوی خوای گەوره و میهرەبان
خوشک و برایانم لە سەرجەم هێزو لایەنە سیاسییەکان
دوابەدوای تەواوبوونی پرۆسەی هەڵبژاردن و ڕاگەیاندنی ئەنجامەکان لەلایەن کۆمسیۆنی باڵای سەربەخۆی هەڵبژاردنەکانەوە، سەرەڕای تێبینی و سەرنجەکانمان لەسەر پرۆسەکە، بەڕێوەچوونی ئەم پرۆسە دیموکراتییە لە گەلی کوردستان و سەرجەم هێزو لایەنە سیاسییەکان پیرۆز دەکەم و سوپاسی خۆشمان ئاراستەی تاک بەتاکی کۆمەڵانی خەڵکی کوردستان دەکەین کە متمانەی خۆیان بە نوێنەرەکانی خۆیان بەخشیەوە.
لەم قۆناغە نوێیەدا و لەدوای کۆتایی هاتنی پرۆسەی هەڵبژاردن و ڕاگەیاندنی ئەنجامەکان، داوا لە سەرجەم هێزو لایەنە سیاسییەکان دەکەم قۆناغێکی نوێ دەست پێ بکەین و لەپێناو بەرژەوەندییە باڵاکانی گەلەکەمان لاپەڕەیەکی تازە هەڵبدەینەوە، چونکە بەرژەوەندی گەلی کورد گەورەترە لە هەر لایەنێک کە خۆی لە قەزیەکە بە گەورەتر بزانێ.
گۆڕانکارییەکانی ناوچەکه و ئەگەرەکانی بەردەممان، ئەوە لە هەموومان دەخوازێ کە کاتی ئەوە هاتووە هەموومان لەسەر مێزی گفتوگۆ دابنیشین و بەشداربین لە پێکهێنانی حکومەتی داهاتووی هەرێمی کوردستان و کارکردنی زیاتر بۆ خزمەتی کوردستان و پێشکەشکردنی خزمەتگوزاری زیاتر بە هاووڵاتیانمان، ئەوەش بە بەشداری هەموومان و وەلانانی ململانێکانمان دەکرێت.
هەروەک گرنگە هەموومان لە لایەنە کوردستانییەکان بتوانین پێکەوە یەک دەست و یەک تیم بەشداربین لە پێکهێنانی حکومەتی داهاتووی عێراق و سەندنی ئه و ئیستحقاقانەی بەر گەلەکەمان دەکەوێ لەپێناو بەشدارییەکی کاراتر لە بەغدا و بەدەستهێنانی مافە نەتەوەیی و دەستوورییەکانی گەلی کوردستان.
#کۆسرەت ڕەسول عەلی#
جێگری سکرتێری گشتی
یەکێتی نیشتمانی کوردستان
#21-10-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,252 mal angesehen
Schreiben Sie Ihren Kommentar zu diesem Artikel!