ناونیشانی پەڕتووک: نائارامی
وەرگێڕانی لە تورکییەوە: فەرهاد چۆمانی
لەم مەملەکەتەدا کینەی ئیتنیکی، شەڕی تائیفی و مەزهەبی وای کردووە هەموو پێکهاتەکان ڕقیان لە یەک بێت، هەر کامیان بگری ئەو خۆی بە مافدار و لەسەرهەق بزانێت و لە هەمووشیان زێدەتر خۆی پێ قوربانی بێت. بەڵام نووسەری ئەم کتێبە، زولفو لیڤانەلی، لە قەپێلکی نەتەوە و تورکبوونی خۆی دێتە دەرەوە و لە مێردینی کوردان باس لە فەرمان و کۆمەڵکوژی و ڕفاندنی کوردانی ئێزدی دەکات. بە گوزارشت و وردەکارییەکەوە کە مرۆ حەیری دەمێنێ، هێندە لێزانانە توانیویەتی چەند مەبەستێک بپێکێت: یەکەم: لەم ڕۆمانەدا بەر توندڕەویی بیری ئایینی دەکەوین، توندڕەوییەک کە بڕواداری هەر ئایینێکی دیکە بە شایانی سەربڕین و کوشتن دەزانێت، چونکە موسڵمان نییە. لەبەر ئەوەش کە تێگەیشتنێکی هەڵە لەبارەی ئێزدییەکانەوە لە نێو پێکهاتە سەردەستەکانی ئەم ناوچەیەدا چەسپاوە، کە گۆیا ''شەیتانپەرستن''، بۆیە هەموو جیاوازییەک لەم مەملەکەتەدا خەتا و تاوانە و وەک وەرەمێک دەیبینن و دەبێت بە جەستەی ئەم مەملەکەتەوە ببڕدرێت و فڕێ بدرێت! ئەمەش ئەو کەشی نائارامییەی دروست کردووە کە دواجار سەردەستە و ژێردەستە هەموویان پێکڕا قوربانین. دووەم: لیڤانەلی هەنگاوێک دەچێتە قووڵایی نائارامییەوە و لە ڕێگەی گێڕانەوەی حیکایەتی حوسێن، کە لە مێردین بریندار دەکرێت و لە ئەمەریکا دەکوژرێت، باس لە گرووپە توندڕەوە ئیتنیکی و ئایینییەکانی ئەوێندەرێ دەکات، کە ئەوانیش موسڵمانیان لە وڵاتی خۆیان پێ قبووڵ نییە و کاری ناتەمامی داعش، کە حوسێن لە مێردین بریندار دەکەن بەوەی کچێکی ئێزدیی هێناوە، لەوێ تەواو دەکەن و دەیکوژن.
Hinweis: Die PDF-Datei für dieses Buch ist nicht verfügbar, bitte helfen Kurdipedia, diese Datei zu erhalten! Buch senden Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,252 mal angesehen