ناوەندی ڕاگەیاندنی هێزەکانی پاراستنی گەل (#هەپەگە#) ڕاگەیەنراوێکی بڵاوکردەوە و دەربارەی دوایین چالاکییەکانی گەریلا زانیاری دا. بە گوێرەی ڕاگەیەنراوی هەپەگە لە #سیدەکان# 4 سەربازی تورکیا کوژراون.
ڕاگەیەنراوی هەپەگە:
ڕۆژی 5ی کانوونی یەکەم\14ی سەرماوەز کاتژمێر 9:20 لە دەڤەری سیدەکانی باشووری کوردستان، دژی سوپای تورکیای داگیرکەر لەسەر گردی لێلیکان، هێزەکانمان چالاکییەکیان ئەنجام دا. گورزی تووند لە سەنگەرەکانی دوژمن لەسەر گردەکە درا، لە ئەنجامدا سەنگەرێکی دوژمن ڕووخێنرا و 4 سەرباز کوژران.
هێزەکانمان هەمان ڕۆژ کاتژمێر 15جارێکی دیکە لە سەربازانی سەر گردی لێلیکان-یان دا. لەم چالاکییەدا کە گورز لە سەنگەر و پەناگەکانی دوژمن درا، کوژراو و برینداری دوژمنی لێکەتەوە، بەڵام زانیارییەکی ڕوون دەستنەکەوت.
4ی کانوونی یەکەم\13ی سەرماوەز کاتژمێر 13:50 دەوروبەری گوندی شێلازێی سەر بە شاری #زاخۆ#ی باشووری کوردستان بۆردومان کرا. بەهۆی بۆردومانەکە زیان بە دەخڵ و ڕەزی گوندنشینان گەیشت، بەڵام هیچ زیانێک بە هێزەکانی ئێمە نەگەیشت.[1]
#06-12-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,747 mal angesehen