دواڕۆژ، ئاکۆ حەمەد ڕابی
لە سەرەتای ساڵی 2018وە تاوەکو ڕۆژی 10ی کانونی یەکەم، کە دەکاتە ڕۆژی جارنامەی جیهانی مافەکانی مرۆڤ، لە ئێران 700 هاووڵاتی کورد دەستگیرکراون و لە نێویاندا 68 هاووڵاتی لە سێدارەدراون کە ژن و مناڵیشیان تێدا بووە.
عەدنان ڕەشیدی ئەندامی کۆمەڵەی مافی مرۆڤی ئێران بەدواڕۆژی وت: لە سەرەتای مانگی 1ی ساڵی 2018 تاکو ڕۆژی 10ی کانونی یەکەم کە دەکاتە ڕۆژی جاڕنامەی جیهانی مافەکانی مرۆڤ لە ئێران 700 هاووڵاتی کورد بە تۆمەتی جیاجیا لەلایەن کۆماری ئیسلامی ئێرانەوە دەسگیرکراون و خراونەتە زیندانەوە.
ئاماژەی بەوەشکرد: له و دەسگیرکراوانە تائێستا و لەماوەی ئەمساڵدا، 68 کەسیان لەسێدارەدراون کە لە نێویاندا سێ ژن و منداڵێک هەبووە.
ڕەشیدی باسی لەوەشکرد: کە ئه و هاووڵاتیانەی کە دەسگیرکراون و ئەوانەشی کە لەسێدارەدراون هەموویان خەڵکی شارە جیاجیاکانی ڕۆژهەڵاتی کوردستانن.
وتیشی: بەشێک له و هاووڵاتیانە بە تۆمەتی سیاسی خراونەتە زیندانەکانی ئێران.[1]
#11-12-2018#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,582 mal angesehen