نەورۆزی ئەمساڵ بە تێکشکاندنی فاشیزم و گۆشەگیری پیرۆز دەکەین
نەورۆزی ئەمساڵ بە پێشەنگایەتیی بەرخۆدانی لەیلا گۆڤەن، نمونەی قارەمانێتی و ئیرادەی بەهێزی تەڤگەری ئازادی لە پڕاکتیکدا نیشان دا. شکستهێنانی سەربازی بە هێزێکی وەک #داعش#، ئیرادەی پۆڵایین و هێزی لە بن نەهاتوی گەلی کوردی ئازادی بە هەمو جیهان نیشان دا. نەورۆز بەم هێما و دەستکەوتانەوە پیرۆز دەکەین. گەلی ئازادیخوازی ئێمە خەبات بۆ ئازادی و سەربەرزی دەکات، کۆیلەتی و داگیرکاری چیتر پەسەند ناکات. بەم پەیامانەوە بەرەو ساڵی نوێ هەنگاو دەنێینەوە، ئیرادەیەک ساز بووە کە داگیرکەران و کۆنەپەرەستان بە ساڵانە لە حەولی داڕمانیدان و سۆمای چاویان توانای بینینی خۆری ئازادی گەلی ئێمەیان نیە. سەرمایەداری و گەندەڵی کۆنەپەرەست دەمێکە حەولی خۆیان داوە بۆ بە ڵاڕێدابردنی ڕەوتی شۆڕشگێڕی و تێکۆشان لە کوردستان و هاوکات ناهومێدی و تەسلیمیەت مەشروعیەت پێبدەن و نۆرمالیزەی دەکەن. زۆر گرینگە لەم سەردەمەدا، قۆناخەکە باش ئانالیز بکەین و لێی تێبگەین. ئەم سەردەمە سەردەمی داڕشتنەوەی سیستمی نوێیە بۆ مودیریەتی کۆمەڵگا و دەرفەتێکی زێڕینە بۆ گەلەکەمان کە بە خواستی ئازادی خۆی بگات، هەڵبژاردنی ئازادانە لە بەردەستمان دایە، کۆیلەتی سەدەی پێشو بە فۆڕمی سیاسەتی پێشو و کلاسیک بەردەوام بکەین و یا ژیانێکی ئازاد بە پاڕادایم و نۆرمەکانی کۆمەڵگەیەکی ئازاد و بەواتا لە پێشەڕۆژدا دەستنیشان بکەین.
نەورۆز دەستپێکی بەهارە و بەستەڵەکی زستان کۆتایی پێدێت، وەرزێکی نوی دەست پێدەکات، گەرمایی ئاگر دێنێت و ئاگر و گەرمایی نەورۆز هیوا دەبەخشێت، پێویستە ئاگری نەورۆز بکرێتە دوزەخی داگیرکەران و کۆنەپەرەستان و بەکرێگیراوان، نەورۆزی ئەمساڵ، پێویستە ببێتە نەورۆزی بەرخۆدان، نەورۆزی سەرکەوتن. نەورۆزی سەرهەڵدانی کاوەکان بۆ ئازادی و تێکشکاندنی سیستمی حوکمڕانی و دەستەڵاتی فاشیزم و شوونیزم. بۆ ئەم قۆناخەش پێویستە فیداکاری و ورەی شۆڕشگێڕی بگاتە لوتکە و لە هەمو جبهەکان پاشەکشە بە داگیرکاری و کۆنەپەرەستی بهێنرێت.
گەلی ئێمە بە تێگەییشتن لەم هەلە حەساسەی مێژویی، سەرەڕای هەمو کۆسپێک ڕێگای خەبات و تێکۆشان بۆ ئازادی هەڵدەبژێرێت، و ئەوەش گرینگە کە گەلی کورد بە یەکگرتویی بە پێشوازی ژیانێکی ئازاد هەنگاو هەڵێنێتەوە و خۆی لە زێهنیەتی کۆیلەتی ڕزگار بکات. داگیرکەرانی کوردستان و کۆیلەکانی، هەمو تەرفەندەکانی فریودان و ترساندن بە کار دەهێنن بە دژی کۆمەڵگا بۆ ترساندن و تۆقاندن و بە لاڕێدا بردنی گەل، بەڵام ڕەوتەکەی ئەم سەردەمە جیاوازە و کەسایەتیەکان و سیاسەتیش جیاواز، سەردەمی تەک نەتەوە و تەک ئاڵا و تەک وڵات بەسەر هاتوە و گەلانی ئازادیخواز ئەم شێوازە تێکدەشکێنن، بۆیە سەرکەوتن بۆ گەلانی ئازادیخوازی ئێران و گەلی ئێمەیە. پێویستە هەمو کوردێکی ئازادە ڕێگای خۆی هەڵبژێرێت و ئیتر داگیرکاری نیشتمانەکەی قبوڵ نەکات و ببێتە بەشێک لە تێکۆشانی هەدەفمەند.
جێژنی نەورۆز لە شەهیدان و بنەماڵەی شەهیدان و هەمو خەباتکاران و ئازادیخوازان پیرۆز دەکەین و بەڵێن نوێ دەکەینەوە نەورۆز بکەینە هەوێنی سەرهەڵدان و تێکۆشان بۆ گەییشتن بە ئازادی و یەکسانی لە کوردستان و ژیانێکی بە ڕومەت و لایقی گەلەکەمان لە کوردستان.
هاوسەرۆکایەتی پاڕتی ژیانی ئازادی کوردستان(#پژاک#)
#18-03-2019#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 2,918 mal angesehen
Schreiben Sie Ihren Kommentar zu diesem Artikel!