نوێنەری پولدوختەر لە پەرلەمانی ئێران ڕایگەیاندووە، نیوەی شارەکانی پولدوختەر و مەعمولان لە #لوڕستان# وێرانبوون، 20 گوند لەگەڵ زەوی تەختبوون و پەیوەندییش لەگەڵ 70 گونددا پچڕاوە.
ئەگەرچی تا ئێستا ئامارێکی تەواوی زیانەکانی لافاوەکەی لوڕستان لەبەردەست نییە، بەڵام سەید حەمید ڕەزا کازمی نوێنەری پولدوختەر لە پەرلەمانی ئێران ڕایگەیاندووە، کەنیوەی شارەکانی پولدوختەر و مەعمولان لە لوڕستان وێرانبوون، 20 گوند لەگەڵ زەوی تەختبوون و پەیوەندیش لەگەڵ 70 گونددا پچڕاوە.
ڕاشیگەیاندووە:خەڵک جگە کراسی بەریان هیچیان نییە و 30 هەزار کەسیش پێڵاویان نییە.
سەید حەمید ڕەزا کازمی، داوای لە وەزیری ناوخۆی ئێران کردووە، کە بە خێرایی چادری پێویست بەسەر زیانبەرکەوتواندا دابەش بکرێت و پێداویستیی تەندروستی و پاککەرەوە و خوێندن بۆ هاوڵاتییان دابین بکرێت، هەروەها لەڕێگای کۆپتەرەوە پێداویستیی بگەیەندرێتە ئەو گوندانەی پەیوەندییان لەگەڵ پچڕاوە.
هاوکات، کەرەم عەلی قەندالی، سەرۆکی کاروباری عەشائیرەکانی ئێران بە ڕاگەیاندنەکانی ئێرانی وتووە: لە ڕۆژهەڵات و ئێران نزیکەی 15 هەزار سەر ئاژەڵ بەهۆی لافاوەکانی ئەمدواییەوە مرداربوونەتەوە.[1]
#07-04-2019#
Dieser Artikel wurde in (کوردیی ناوەڕاست) Sprache geschrieben wurde, klicken Sie auf das Symbol
![](https://www.kurdipedia.org/images/flags/ku.png)
, um die Artikel in der Originalsprache zu öffnen!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dieser Artikel wurde bereits 1,982 mal angesehen
Schreiben Sie Ihren Kommentar zu diesem Artikel!